నాగ్ షురూ చేశాడు
- IndiaGlitz, [Tuesday,March 08 2016]
అన్న‌మయ్య, శ్రీరామ‌దాసు, షిర్డి సినిమాల పేర్లు చెప్ప‌గానే అంద‌రికీ కాంబినేష‌న్ గుర్తుకొస్తుంది. వారిద్ద‌రే అక్కినేని నాగార్జున, రాఘ‌వేంద్ర‌రావు. వారిద్ద‌రు క‌లిసి ఇప్పుడు మ‌రో సినిమాకు ప‌నిచేయ‌నున్నారు. వేంక‌టేశ్వ‌ర స్వామి భ‌క్తుడు హాతీరామ్ బాబా క‌థ‌తో ఓ సినిమాను రూపొందించ‌నున్నారు.
హాతీరామ్ బాబాగా నాగార్జున న‌టిస్తారు. ఈ సినిమాకు సంబంధించి కె.రాఘ‌వేంద్ర‌రావు సంగీత చ‌ర్చ‌ల‌ను మొద‌లుపెట్టారు. మ‌హా శివ‌రాత్రి సంద‌ర్భంగా కీర‌వాణి ఈ సినిమా సంగీత చ‌ర్చ‌ల‌ను తిరుప‌తిలో ప్రారంభించారు. వైష్ణ‌వ భ‌క్తుడి క‌థ‌కు శివ‌రాత్రి రోజు సంగీత చ‌ర్చ‌ల‌ను మొద‌లుపెట్ట‌డం శివ‌కేశ‌వ అభేదానికి ప్ర‌తీక‌గా భావించ‌వ‌చ్చ‌ని విజ్ఞులు అంటున్నారు. త్వ‌ర‌లోనే షూటింగ్‌ను మొద‌లుపెట్టే తేదీని వెల్ల‌డించ‌నున్న‌ట్టు రాఘ‌వేంద్ర‌రావు సోష‌ల్ మీడియా ద్వారా వెల్ల‌డించారు.