పడేసావే..అనే చిన్న సినిమా పెద్ద విజయం సాధించాలి - కింగ్ నాగార్జున
- IndiaGlitz, [Thursday,February 25 2016]
కార్తీక్ రాజు, నిత్యా శెట్టి జంట‌గా న‌టించిన చిత్రం పడేసావే. ఈ చిత్రం ద్వారా చునియా ద‌ర్శ‌కురాలుగా ప‌రిచ‌యం అవుతున్నారు. యూత్ ఫుల్ ఎంట‌ర్ టైన‌ర్ గా రూపొందిన పడేసావే చిత్రాన్ని ఈనెల 26న రిలీజ్ చేయ‌నున్నారు. అనూప్ సంగీతం అందించిన పడేసావే ఆడియో సాధించిన విజ‌యాన్ని పుర‌స్క‌రించుకుని ప్లాటినం డిస్క్ వేడుక‌ను అన్న‌పూర్ణ సెవెన్ ఏక‌ర్స్ లో నిర్వ‌హించారు. ఈ ప్లాటినం డిస్క్ వేడుక‌కు కింగ్ నాగార్జున ముఖ్య అతిథిగా హాజ‌రై చిత్ర యూనిట్ కు షీల్డ్స్ అంద‌చేసారు.
ఈ సంద‌ర్భంగా కింగ్ నాగార్జున మాట్లాడుతూ....డైరెక్ట‌ర్ చునియా నాకు బాగా తెలుసు కాబ‌ట్టి ఈ సినిమాని ప్ర‌మోట్ చేయ‌డం లేదు. పడేసావే సినిమా న‌చ్చింది కాబ‌ట్టి ప్ర‌మోట్ చేస్తున్నాను. అలాగే నేను ప్ర‌మోట్ చేయ‌డం వ‌ల‌న ఈ సినిమాకి హెల్ప్ అవుతుండ‌డం నాకు హ్యాపీగా ఉంది. నేను పడేసావే సినిమా చూసాను. చూస్తున్నంత సేపు ఏదో సినిమా చూస్తున్నాం అని కాకుండా క్యారెక్ట‌ర్స్ లోకి ఇన్ వాల్వ్ అయ్యేలా చునియా చాలా చక్క‌గా తెర‌కెక్కించింది. పడేసావే టీమ్ ని చూస్తుంటే ఎంత ప్రేమ‌తో ఈ సినిమా చేసారో తెలుస్తుంది. పడేసావే అనే చిన్న సినిమా పెద్ద విజయం సాధించాల‌ని కోరుకుంటున్నాను అన్నారు.
సీనియ‌ర్ న‌టుడు న‌రేష్ మాట్లాడుతూ...చునియా క‌థ చెబుతున్న‌ప్పుడే టైటిల్ కి త‌గ్గ‌ట్టు న‌న్ను ప‌డేసింది. ఈ సినిమా క‌థ బాగుంది దానికి త‌గ్గ‌ట్టు మాట‌లు ఇంకా బాగున్నాయి. అందరికీ న‌చ్చే సినిమా పడేసావే అన్నారు.
మ్యూజిక్ డైరెక్ట‌ర్ అనూప్ మాట్లాడుతూ...టాలెంట్ ఎక్క‌డ ఉన్నా నాగార్జున గారు ప్రొత్స‌హిస్తార‌నే విష‌యం అందరికీ తెలిసిందే. ఈ సినిమాని నాగార్జున గారు ప్ర‌మోట్ చేయ‌డం సంతోషంగా ఉంది. ఆద్యంత స‌ర‌దాగా సాగే సినిమా ఇది. డైరెక్ట‌ర్ చునియా ఈ సినిమా కోసం ఎంతో క‌ష్ట‌ప‌డ్డారు. పడేసావే విజయం సాధించాల‌ని కోరుకుంటున్నాను అన్నారు.
డైరెక్ట‌ర్ చునియా మాట్లాడుతూ....సినిమా ఇండ‌స్ట్రీలో ప్ర‌వేశించి 15 ఏళ్లు అయ్యింది. ఇప్ప‌టికి డైరెక్ట‌ర్ కావాల‌నే నా డ్రీమ్ నెర‌వేర‌డం ఆనందంగా ఉంది అన్నారు. ఈ కార్య‌క్ర‌మంలో హీరో కార్తీక్, హీరోయిన్ నిత్యాశెట్టి, కృష్ణుడు, రైట‌ర్ కిర‌ణ్, గీత ర‌చ‌యిత అనంత శ్రీరామ్, అనితా చౌద‌రి త‌దిత‌రులు పాల్గొన్నారు.