నాగ్, నాని.. డేట్ ఫిక్స‌య్యింది
- IndiaGlitz, [Wednesday,January 24 2018]
టాలీవుడ్ మన్మథుడు నాగార్జున, నేచురల్ స్టార్ నాని కాంబినేషన్లో ఓ మ‌ల్లీస్టార‌ర్ మూవీ తెరకెక్కబోతున్న విషయం తెలిసిందే. కామెడీ ఎంట‌ర్‌టైన‌ర్‌గా తెర‌కెక్క‌నున్న ఈ చిత్రంలో నాగార్జున డాన్ పాత్రలో కనిపించనుండగా...నాని డాక్టర్ పాత్రలో మెప్పించనున్నారని సమాచారం. ఈ చిత్రాన్ని భ‌లే మంచి రోజు, శమంత‌క‌మ‌ణి చిత్రాల ద‌ర్శ‌కుడు శ్రీరామ్ ఆదిత్య రూపొందించ‌నున్నారు.
ప్రముఖ నిర్మాత అశ్వినీదత్ నిర్మాత‌గా వ్య‌వ‌హరించ‌నున్నారు. తాజా సమాచారం ప్ర‌కారం.. ఈ ఫిబ్రవరి 24 నుంచి ఈ సినిమా ప‌ట్టాలెక్క‌నుంద‌ని తెలిసింది. ప్రస్తుతం నాని నటిస్తున్న 'కృష్ణార్జున యుద్ధం', అలాగే నాగ్, వర్మల కాంబినేషన్లో తెరకెక్కుతున్న పేరు నిర్ణ‌యించ‌ని చిత్రం.. అప్పటికి క్లైమాక్స్ దశకు చేరుకుంటాయి. ఆ పైన వీరిద్దరూ ఈ మల్టీ స్టారర్‌లో నటించనున్నారని తెలుస్తోంది.
ఇదిలా వుంటే...గతంలో అశ్వినీ దత్, నాగార్జున కలయికలో 'ఆఖరి పోరాటం', 'గోవిందా గోవింద', 'రావోయి చందమామ', 'ఆజాద్' సినిమాలు రాగా... అశ్వినీదత్ కుమార్తెలు ప్రియాంక, స్వప్న.. నానితో 'ఎవడే సుబ్రహ్మణ్యం' మూవీని నిర్మించిన సంగతి తెలిసిందే.