నాగార్జున, చైతన్య కాంబినేషన్లో మూవీ (ఎక్స్ క్లూజీవ్ డీటైల్స్)
- IndiaGlitz, [Tuesday,January 17 2017]
టాలీవుడ్ కింగ్ నాగార్జున, యువ స‌మ్రాట్ నాగ చైతన్య కాంబినేషన్ లో ఓ భారీ చిత్రం రూపొందించ‌డానికి స‌న్నాహాలు చేస్తున్నారు. ఈ తండ్రీ కొడుకుల కాంబినేషన్లో సినిమాని నిర్మించేందుకు ప్లాన్ చేస్తుంది ఎవ‌రో కాదు ఉత్త‌మాభిరుచి గ‌ల నిర్మాత దిల్ రాజు. అత్యంత ప్ర‌తిష్టాత్మ‌కంగా నిర్మించే ఈ చిత్రానికి శ‌త‌మానం భ‌వ‌తి ఫేమ్ వేగేశ్న స‌తీష్ ద‌ర్శక‌త్వం వ‌హించ‌నున్నారు.
ఈ విష‌యాన్ని స్వ‌యంగా నిర్మాత దిల్ రాజు తెలియ‌చేసారు. నాగ్, చైతు కాంబినేషన్ లో రూపొందే ఈ చిత్రం డిఫ‌రెంట్ ల‌వ్ స్టోరీ కావ‌డం విశేషం. ప్ర‌స్తుతం నాగార్జున న‌టించిన ఓం న‌మో వేంక‌టేశాయ చిత్రం ఫిబ్ర‌వ‌రి 10న ప్రేక్ష‌కుల ముందుకు వ‌స్తుంది. ఈ సినిమా త‌ర్వాత నాగార్జున రాజు గారి గ‌ది 2 లో న‌టిస్తున్నారు. బ‌హుశా రాజు గారి గ‌ది 2 త‌ర్వాత చేసే సినిమా ఇదే అవుతుందేమో. ఈ క్రేజీ మూవీకి సంబంధించిన పూర్తి వివ‌రాల‌ను దిల్ రాజు త్వ‌ర‌లో తెలియ‌చేయ‌నున్నారు.