ఈటీవీ చేతికి నాగ్‌
- IndiaGlitz, [Wednesday,November 30 2016]
అక్కినేని నాగార్జున, ద‌ర్శ‌కేంద్రుడు కె.రాఘ‌వేంద్రరావు కాంబినేష‌న్‌లో క‌మ‌ర్షియ‌ల్ సినిమాలే కాదు, భ‌క్తిర‌స చిత్రాలు కూడా రూపొందాయి. అన్న‌మ‌య్య, శ్రీరామ‌దాసు, శిరిడిసాయి వంటి భ‌క్తి క‌థా చిత్రాలు వీరి కాంబోలోనే వ‌చ్చి సెన్సేష‌న‌ల్ హిట్స్‌గా పేరు తెచ్చుకున్నాయి. ఇప్పుడు ఈ హిట్ కాంబినేష‌న్‌లో రూపొందుతోన్న మ‌రో భ‌క్తిర‌స ప్ర‌ధాన చిత్రం 'ఓం న‌మో వేంక‌టేశాయ'.
వెంక‌టేశ్వ‌ర‌స్వామి భ‌క్తుడైన హ‌థీరాం బాబా జీవిత చ‌రిత్రపై ఈ సినిమా తెర‌కెక్కుతోంది. ఈ సినిమా విడుద‌ల‌కు ముందు ప్రీ రిలీజ్ బిజినెస్ పూర్తి చేసుకుంటుంది. తాజా స‌మాచారం ప్ర‌కారం ఈ చిత్ర శాటిలైట్ హ‌క్కుల‌ను ఈటీవీ తెలుగు చానెల్ దాదాపు ప‌న్నెండు కోట్ల రూపాయ‌ల‌కు చేజిక్కించుకున్నార‌ట. ఈ సినిమా ఫిభ్ర‌వ‌రి లేదా మార్చిలో విడుద‌ల‌య్యే అవ‌కాశాలు క‌న‌ప‌డుతున్నాయి.