బాలీవుడ్ రీమేక్‌లో నాగార్జున
- IndiaGlitz, [Monday,December 30 2019]
కింగ్ నాగార్జున ఇప్పుడు స్టైల్ మార్చారు. వ‌రుస సినిమాలు చేసేయాల‌ని కాకుండా అచి తూచి త‌న ఏజ్‌కు త‌గిన‌ట్లు స్క్రిప్ట్స్‌ను ఆయ‌న ఎంచుకుంటున్నారు. అందులో భాగంగా రీసెంట్‌గా ఆయ‌న ఓకే చెప్పిన చిత్రం 'వైల్డ్ డాగ్‌'.ఈ చిత్రంలో నాగార్జున ఎన్‌.ఐ.ఎ ఆఫీస‌ర్‌గా క‌నిపిస్తున్నారు. త‌దుప‌రి నాగార్జున చేయ‌బోతున్న చిత్రంపై కూడా ఓ క్లారిటీ వ‌స్తుంద‌ట. సినీ వ‌ర్గాల స‌మాచారం మేర‌కు డైరెక్ట‌ర్ ప్ర‌వీణ్ స‌త్తారు దర్శకత్వంలో నాగార్జున సినిమా చేయ‌బోతున్నార‌ట. చంద‌మామ క‌థ‌లు, గుంటూరు టాకీస్‌, గ‌రుడ‌వేగ చిత్రాలతో స‌క్సెస్‌ఫుల్ డైరెక్ట‌ర్‌గా పేరు తెచ్చుకున్న ప్ర‌వీణ్ స‌త్తారు తెలుగులోనే మ‌రో సినిమా చేయ‌బోతున్నాడు. నిజానికి ఈయ‌న దర్శకత్వంలో పుల్లెల‌గోపీచంద్ బ‌యోపిక్‌ను పాన్ ఇండియా సినిమాగా తెర‌కెక్కాల్సింది. కానీ ఆల‌స్య‌మ‌య్యే అవ‌కాశం ఉండ‌టంతో నాగార్జున‌తో సినిమా చేయాల‌నుకున్నాడ‌ట.
ఆస‌క్తిక‌ర‌మైన విష‌య‌మేమంటే నాగార్జున‌తో ప్ర‌వీణ్ స‌త్తారు చేయ‌బోయే సినిమా బాలీవుడ్ సినిమా రైడ్‌కు రీమేక్‌. ప్ర‌స్తుతం స్క్రిప్ట్ వ‌ర్క్ జ‌రుగుతుంద‌ని, త్వ‌ర‌లోనే దీన్ని సెట్స్ పైకి తీసుకెళ్ల‌డానికి స‌న్నాహాలు చేస్తున్నార‌ని టాక్‌. ప్ర‌స్తుతం నాగార్జున చేస్తోన్న 'వైల్డ్ డాగ్‌' పూర్తి కాగానే నాగ్ ఈ బాలీవుడ్ రీమేక్‌లో న‌టించే అవ‌కాశాలున్నాయ‌ని అంటున్నారు.