సుమంత్ క‌థానాయ‌కుడిగా న‌టించిన మ‌ళ్ళీ రావా చిత్రంతో తెలుగు తెర‌కు క‌థానాయిక‌గా ప‌రిచ‌య‌మైంది ఉత్త‌రాది భామ‌ ఆకాంక్ష సింగ్‌. మొద‌టి సినిమాతోనే మంచి న‌టిగా పేరు తెచ్చుకున్న ఈ ముద్దుగుమ్మ‌.. ప్ర‌స్తుతం కింగ్ నాగార్జున‌, నేచుర‌ల్ స్టార్ నాని క‌లిసి న‌టిస్తున్న మ‌ల్టీస్టార‌ర్ మూవీలో న‌టిస్తోంది. ఇందులో నాగ్‌కు జోడీగా ఆకాంక్ష క‌నిపించ‌నుంది. శ్రీ‌రామ్ ఆదిత్య ద‌ర్శ‌క‌త్వంలో రూపొందుతున్న ఈ సినిమాని సి.అశ్వ‌నీద‌త్ నిర్మిస్తున్నారు.

ప్ర‌స్తుతం ఈ సినిమా చేస్తూనే.. మ‌రోవైపు ఓ క‌న్న‌డ చిత్రానికి ప‌చ్చ‌జెండా ఊపింది ఆకాంక్ష‌. క‌న్న‌డ స్టార్ హీరో.. నాని హీరోగా న‌టించిన ఈగ చిత్రంలో విల‌న్‌గా సంద‌డి చేసిన సుదీప్ ఈ సినిమాలో హీరోగా న‌టిస్తున్నాడు. భారీ బ‌డ్జెట్‌తో తెర‌కెక్కుతున్న ఈ యాక్ష‌న్ ఎంట‌ర్‌టైన‌ర్‌లో సుదీప్‌కు జోడీగా.. న‌ట‌న‌కు అవ‌కాశ‌మున్న పాత్ర‌లో ఆకాంక్ష క‌నిపించ‌నుంది. ఈ నెల 17 నుంచి ప‌ట్టాలెక్క‌నున్న ఈ సినిమాకి సంబంధించిన పూర్తి వివ‌రాలు త్వ‌ర‌లోనే వెల్ల‌డి కానున్నాయి.