మన్మధుడి బర్త్ డే గిఫ్ట్..!
- IndiaGlitz, [Monday,August 29 2016]
టాలీవుడ్ కింగ్ నాగార్జున పుట్టిన‌రోజు.. అభిమానుల‌కు పండుగ రోజు...! నాగార్జున పుట్టిన‌రోజు సంద‌ర్భంగా పోస్ట‌ల్ శాఖ ప్ర‌త్యేక‌మైన పోస్ట‌ల్ స్టాంప్ ను లాంచ్ చేసింది. ఈ స్పెష‌ల్ స్టాంప్ లో ఓ వైపు నాగార్జున, మ‌రో వైపు ప్రేమ‌కు చిహ్న‌మైన తాజ్ మ‌హ‌ల్ ఉంది. నాగార్జున న‌టించిన ప‌లు చిత్రాల్లోని గెట‌ప్స్ తో ఈ స్పెష‌ల్ స్టాంప్స్ మార్కెట్ లోకి రానున్నాయ‌ని స‌మాచారం. ఈరోజు ఈ స్పెష‌ల్ స్టాంప్స్ ను అన్న‌పూర్ణ స్టూడియోలో నాగ చైతన్య లాంచ్ చేయ‌నున్నారు. అన్న‌పూర్ణ స్టూడియోస్ సంస్థ సోష‌ల్ మీడియా ద్వారా ఈ విష‌యాన్ని తెలియ‌చేసింది. ఓ వైపు నాగార్జున పుట్టిన‌రోజు...మ‌రో వైపు నాగ్ అరుదైన ఘ‌న‌త‌ను సాధించ‌డంతో ఫ్యాన్స్ సంతోషంతో సంబ‌రాలు చేసుకుంటున్నారు.