నాగ్ హ‌ర్ర‌ర్ మూవీ ఎక్స్ క్లూజీవ్ డీటైల్స్..!
- IndiaGlitz, [Friday,October 28 2016]
న‌వ‌ర‌స స‌మ్రాట్ నాగార్జున... ద‌ర్శ‌కేంద్రుడు రాఘ‌వేంద్ర‌రావు దర్శకత్వంలో రూపొందుతున్న ఓం న‌మో వేంక‌టేశాయ చిత్రంలో న‌టిస్తున్నారు. ఈ చిత్రం ప్ర‌స్తుతం రామోజీ ఫిలింసిటీలో షూటింగ్ జ‌రుపుకుంటుంది. ఈ మూవీ త‌ర్వాత నాగార్జున రాజు గారి గ‌ది సీక్వెల్ లో న‌టించ‌నున్న‌ట్టు వార్త‌లు వ‌చ్చాయి. ఇదే విష‌యం పై ఇటీవ‌ల నాగార్జున‌ను సంప్ర‌దిస్తే...మ‌ల‌యాళం రీమేక్ ఇది. ఫోన్ లో మ‌ల‌యాళం వెర్షెన్ చెప్పారు తెలుగు నేటివిటికి ఎలా మారుస్తారు అని అడిగాను. ఇంకా నాకు క‌థ చెప్ప‌లేదు అన్నారు.
ఇదిలా ఉంటే...నరుడా డోనరుడా ఆడియో ఫంక్ష‌న్ లో నాగార్జున మాట్లాడుతూ...న్యూ జోన‌ర్ లో ట్రై చేద్దామ‌ని ఇటీవ‌ల ఓ క‌థ విన్నాను. ఆ క‌థ విన్న‌ప్ప‌టి నుంచి నిద్ర‌ప‌ట్ట‌డం లేదు. అంత బాగుంది ఆ క‌థ అని చెప్పారు. దీనిని బ‌ట్టి నాగ్ చెప్పింది హ‌ర్ర‌ర్ మూవీ గురించే అనిపిస్తుంది. ఈ హ‌ర్ర‌ర్ మూవీని తెర‌కెక్కించ‌నున్న డైరెక్ట‌ర్ ఓంకార్ ను కూడా ఇదే విష‌యం గురించి సంప్ర‌దిస్తే....నాగార్జున గార్కి రీసెంట్ గా క‌థ చెప్పాను. ఆయ‌న‌కు చాలా బాగా న‌చ్చింది. పూర్తి వివ‌రాల‌ను త్వ‌ర‌లోనే తెలియ‌చేస్తాను అన్నారు. సో...నాగ్ హ‌ర్ర‌ర్ మూవీ చేసేందుకు గ్రీన్ సిగ్న‌ల్ ఇచ్చేసారు అని తెలుస్తుంది. ఇక అఫిషియ‌ల్ గా ఎనౌన్స్ చేయాలి అంతే..!