నిర్మాత, నటుడు నాగబాబుకు కరోనా పాజిటివ్‌గా నిర్ధారణ అయింది. కొద్ది రోజులుగా కరోనా లక్షణాలతో బాధపడుతున్న ఆయన కరోనా పరీక్ష చేయించుకోగా.. పాజిటివ్‌గా నిర్ధారణ అయింది. ఈ విషయాన్ని నాగబాబు ఇన్‌స్టా వేదికగా వెల్లడించారు. ఈ నేపథ్యంలో ఆయన ఒక సోషల్ మెసేజ్ కూడా ఇచ్చారు. ఒక వ్యాధి వచ్చిందని.. బాధ పడటం కాదని.. దాని నుంచి కోలుకుని మరొకరికి సాయం చేయాలని సూచించారు. తాను కరోనా నుంచి కోలుకున్న అనంతరమే ప్లాస్మా దానం చేస్తానని ఈ సందర్భంగా నాగబాబు వెల్లడించారు.

‘‘ఒక వ్యాధి వచ్చిందని బాధగా ఉండటం కాదు.. దాని నుంచి కోలుకుని వేరొకరికి సాయం చేయాలి. కోవిడ్ 19 పాజిటివ్‌గా నిర్ధారణ అయ్యింది. సరైన జాగ్రత్తలు పాటించి కరోనాని జయించి.. ప్లాస్మా దాతగా మారతాను’’ అని నాగబాబు వెల్లడించారు. నాగబాబు పోస్టు చూసిన అభిమానులు, పలువురు నెటిజన్లు ఆయన త్వరగా కోలుకోవాలంటూ పోస్టులు పెడుతున్నారు.