మెగాబ్ర‌ద‌ర్ నాగ‌బాబు లాక్‌డౌన్ స‌మ‌యంలో సోష‌ల్ మీడియాలో య‌మా యాక్టివ్‌గా ఉంటున్నాడు. యూ ట్యూబ్ ఛానెల్‌లో త‌న‌కు న‌చ్చిన విష‌యాల‌పై మాట్లాడుతున్నాడు. ట్విట్ట‌ర్‌, ఇన్‌స్టాగ్రామ్‌ల‌లో మెగా ఫ్యామిలీకి సంబంధించిన ఫొటోలను షేర్ చేస్తున్నారు. లేటెస్ట్‌గా ప‌వ‌ర్‌స్టార్ ప‌వ‌న్‌క‌ల్యాణ్ యుక్త వ‌యసులో ఉన్న‌ప్పుడు ఎలా ఉండేవాడని తెలియ‌జేసే ఓ ఫొటోను నాగబాబు ఇన్‌స్టాలో పోస్ట్ చేశారు. అంతే కాంద‌డోయ్‌.. ‘ఇలాంటి ఫొటోలు చాలా ఉన్నాయి. నా ద‌గ్గ‌ర దాచ‌నంతే. ఫ‌రెవ‌ర్ బెస్ట్ బ్ర‌ద‌ర్‌.. ఫ‌రెవ‌ర్ ల‌వ్‌..ప‌వ‌న్‌క‌ల్యాణ్’ అంటూ మెసేజ్ కూడా పోస్ట్ చేశారు నాగ‌బాబు.

మ‌రో వైపు కుమార్తె నిహారిక పెళ్లి ప‌నుల‌ను కూడా సైలెంట్‌గా చ‌క్క‌బెట్టేస్తున్నారు. త్వ‌ర‌లోనే నిహారిక పెళ్లి తేదీని ప్ర‌క‌టించే అవ‌కాశాలున్నాయ‌ని కూడా వార్త‌లు వినిపిస్తున్నాయి. ప‌వ‌న్ నూనుగు మీసాలు, లైట్‌గా గ‌డ్డం ఉన్న ఈ ఫొటో ప్ర‌స్తుతం సోష‌ల్ మీడియాలో హ‌ల్‌చ‌ల్ చేస్తుంది.
సినిమాల విషయానికి వ‌స్తే ప‌వ‌న్ ప్ర‌స్తుతం వ‌కీల్‌సాబ్‌ను పూర్తి చేయ‌డానికి స‌న్న‌ద్ధ‌మ‌వుతున్నారు. మ‌రో వైపు క్రిష్ సినిమా, హారీశ్ శంక‌ర్ సినిమా, సురేంద‌ర్ రెడ్డి సినిమాతో పాటు అయ్య‌ప్ప‌నుమ్ కోశియుమ్ రీమేక్‌లోనూ ప‌వ‌న్ న‌టించ‌నున్నారు ప‌వ‌న్‌.