ప్రపంచాన్ని వణికిస్తున్న కరోనా వైరస్‌పై మెగా బ్రదర్ కొణిదెల నాగబాబు ఈ మధ్య వరుస ట్వీట్స్, పోస్ట్‌లు చేస్తున్నారు. ఇప్పటికే పలు మార్లు ఈ వైరస్‌పై సోషల్ మీడియా వేదికగా తన అభిప్రాయాన్ని పంచుకున్న ఆయన తాజాగా.. సెటైర్ల వర్షం కురిపించారు. ‘కొన్ని ప్రముఖ మతాల పెద్దలు చెప్పిందేమంటే కారోన వైరస్‌ని వాళ్ళ దేవుడే ఈ భూమి మీదకి పంపించాడు అని అంటున్నారు. అయినా ఈ దేవుళ్ళకి కోపం ఎక్కువే సుమా..’ అంటూ ట్వీట్ చేశారు. ఈ ట్వీట్‌పై నెటిజన్లు, మరీ ముఖ్యంగా ఆర్ఎస్ఎస్ కార్యకర్తలు తీవ్ర ఆగ్రహం వ్యక్తం చేస్తున్నారు.

ప్రాణాలు తీస్తున్న కరోనా వైరస్‌ను కామెడీ చేయడమేంటి సారూ.. మీకు తోచిన సలహాలు, సూచనలు ఇవ్వాల్సింది పోయి ఇలా చేస్తున్నారేంటి..? అని కన్నెర్రజేస్తున్నారు. ‘గోమూత్రం తాగితే కరోనా చచ్చిపోతుందట కదా.. వాళ్లే కదా గురూ ఇది చేసింది’ అంటూ మరి కొందరు నెటిజన్లు సెటైర్లు వేస్తున్నారు. అయితే.. ఇప్పటికే కరోనాపై ఆయన చేసిన ట్వీట్స్‌‌కు తీవ్రస్థాయిలో నెటిజన్లు విమర్శలు గుప్పిస్తున్నారు.