జ‌బ‌ర్‌ద‌స్త్ అవినాష్‌.. బిగ్‌బాస్ 4 కంటెస్టెంట్‌గా ఎంట్రీ ఇచ్చిన‌ప్పుడు పెద్ద‌గా అత‌నిపై ఎవ‌రికీ న‌మ్మ‌కం లేద‌నే చెప్పాలి. అయితే బిగ్‌బాస్ మేనేజ్‌మెంట్ త‌న‌పై పెట్టుకున్న న‌మ్మ‌కాన్ని నిల‌బెడుతూ అవినాష్ టాప్ ఫైవ్ .. ఫైన‌లిస్టుల్లో ఒక‌డిగి నిలుస్తాడ‌ని అంద‌రూ భావించారు. బిగ్‌బాస్ షోను త‌న‌దైన కామెడీతో ఆక‌ట్టుకునేలా చేశాడు అవినాష్‌. అవినాష్‌కు కూడాద మంచి క్రేజ్ వ‌చ్చింది. అయితే బిగ్‌బాస్‌లోకి రావ‌డం వ‌ల్ల జ‌బ‌ర్‌ద‌స్త్‌లో అవ‌కాశం పోయింది. ఈ విష‌యాన్ఇన అవినాష్ బ‌హిరంగంగానే చెప్పిన సందర్భాలు చాలానే ఉన్నాయి. జ‌బ‌ర్‌ద‌స్త్ నిర్వాహ‌కులు అవినాష్ ద‌గ్గ‌ర రూల్స్ బ్రేక్ చేసినందుకు ప‌దిల‌క్ష‌ల న‌ష్ట‌ప‌రిహారం తీసుకున్న‌ట్లు కూడా వార్త‌లు వినిపించాయి.

ఈ విష‌యాల‌ను ప‌క్క‌న పెడితే.. జ‌బ‌ర్‌ద‌స్త్ నుండి బ‌య‌ట‌కు వ‌చ్చిన అవినాష్‌కు నాగ‌బాబు మ‌రో బంఫ‌ర్ ఆఫ‌ర్ ఇచ్చాడ‌ని అంటున్నారు. జీ తెలుగులో ప్ర‌సారం అవుతున్న బొమ్మ అదిరింది షో కోసం భారీ రెమ్యున‌రేష‌న్‌తో అవినాష్‌కు నాగ‌బాబు అవ‌కాశం ఇచ్చాడ‌ట‌. జ‌బ‌ర్‌ద‌స్త్‌లో ఉన్న‌ప్ప‌టి నుంచి అవినాష్‌కు నాగ‌బాబు బాగానే స‌పోర్ట్ చేస్తూ వ‌స్తున్నారు. అంతే కాదు.. జ‌బ‌ర్‌ద‌స్త్ నుండి బ‌య‌ట‌కు వ‌చ్చిన వారికి కూడా నాగాబాబు త‌న షోలో అవ‌కాశం ఇచ్చారు.