వ్యాపార భాగస్వామిపై నాగసుశీల పిర్యాదు
- IndiaGlitz, [Saturday,November 18 2017]
అక్కినేని నాగేశ్వ‌ర‌రావు త‌న‌య, నాగార్జున సోద‌రి నాగసుశీల తన వ్యాపార భాగ‌స్వామి అయిన చింతలపూడి శ్రీనివాస్‌పై ఈరోజు పంజాగుట్ట పోలీస్ స్టేష‌న్‌లో పిర్యాదు చేశారు. వివ‌రాల్లోకెళ్తే..దాదాపు ప‌న్నెండేళ్లుగా వ్యాపారం భాగ‌స్వామ్యులుగా ఉన్నారు.
నాగసుశీల త‌న‌యుడు, హీర సుశాంత్‌తో చింతలపూడి శ్రీనివాస్ సినిమాల‌ను కూడా నిర్మించారు. అయితే ఇప్పుడు వీరిద్ద‌రూ ఓ ఏడాది నుండి గొడ‌వ‌లు ప‌డుతున్నారు. తన అనుమతి లేకుండా కంపెనీకి చెందిన అస్థుల‌ను అమ్ముతున్నార‌ని నాగసుశీల పిర్యాదు చేశారు.
అయితే చింతలపూడి శ్రీనివాస్ మాత్రం తాను ఎలాంటి అనైతిక చ‌ర్య‌కు పాల్ప‌డ‌లేద‌ని, నాగ‌సుశీలే త‌న‌కు డ‌బ్బులు ఇవ్వాల్సి ఉంద‌ని, ఇప్ప‌టికే సివిల్ కేసు కోర్టులో ఉంద‌ని, దాన్ని క్రిమిన‌ల్‌కేసుగా మార్చ‌డానికి ప్ర‌య‌త్నిస్తున్నార‌ని తెలిపారు. శ్రీనివాస్ భార్యతో పాటు మరో 12 మందిపై నాగసుశీల ఫిర్యాదు చేయ‌డం గ‌మ‌నార్హం.