నాగ‌శౌర్య.. ముగ్గురు కొత్త ద‌ర్శ‌కులు
- IndiaGlitz, [Thursday,November 02 2017]
ఊహ‌లు గుస‌గుస‌లాడే చిత్రంతో ఆక‌ట్టుకున్న యువ క‌థానాయ‌కుడు నాగ శౌర్య. ఆ త‌రువాత జో అచ్యుతానంద‌లాంటి చిత్రాల‌తో త‌న ఉనికిని చాటుకున్న ఈ యంగ్ హీరో.. ప్ర‌స్తుతం చేతిలో ఐదు సినిమాలతో బిజీగా ఉన్నాడు. వాటిలో ఒక‌టి ద్విభాషా చిత్రం. ఎ.ఎల్‌.విజ‌య్ ద‌ర్శ‌కుడిగా రూపొందుతున్న క‌ణం తెలుగు, త‌మిళ భాష‌ల్లో త్వ‌ర‌లోనే విడుద‌ల కానుంది.
ఫిదా ఫేమ్ సాయిప‌ల్లవి ఇందులో నాలుగేళ్ల పాప‌కి త‌ల్లిగా క‌నిపించ‌నుంది. అలాగే శౌర్య న‌టించిన ఛ‌లో చిత్రం కూడా విడుద‌ల‌కి సిద్ధ‌మవుతోంది. ఇదిలా ఉంటే.. ముగ్గురు కొత్త ద‌ర్శ‌కుల‌తో సినిమాలు చేయ‌డానికి నాగ‌శౌర్య గ్రీన్ సిగ్న‌ల్ ఇచ్చాడ‌ని టాలీవుడ్ వ‌ర్గాలు పేర్కొంటున్నాయి.
కృష్ణ‌వంశీ శిష్యుడు శ్రీ‌నివాస్ ద‌ర్శ‌క‌త్వంలో రూపొంద‌నున్న న‌ర్త‌న శాల.. సుంద‌ర్ ద‌ర్శ‌క‌త్వంలో తెర‌కెక్క‌నున్న అమ్మ‌మ్మ‌గారి ఇల్లుతో పాటు ఛాయాగ్రాహ‌కుడు సాయి శ్రీ‌రామ్ ద‌ర్శ‌క‌త్వంలో రూపొంద‌నున్న తొలి చిత్రంలోనూ న‌టించేందుకు నాగ‌శౌర్య గ్రీన్ సిగ్న‌ల్ ఇచ్చాడు. త్వ‌ర‌లోనే సెట్స్ పైకి వెళ్లే ఈ మూడు సినిమాలు.. వ‌చ్చే ఏడాది థియేట‌ర్ల‌లో సంద‌డి చేసే అవ‌కాశ‌ముంది.