స‌మంత, ల‌క్ష్మి, రాజేంద్రప్రసాద్‌, నాగ‌శౌర్య కీల‌క పాత్రల్లో న‌టించిన సినిమా ‘ఓ బేబీ’. జులై-05న విడుదలైన ఈ చిత్రం మంచి హిట్ టాక్ సంపాదించుకుంది. ఇప్పటికే థ్యాంక్యూ మీట్‌ను నిర్వహించిన చిత్రబృందం తమ ఆనందాన్ని పంచుకున్నారు. అయితే తాజాగా.. సినిమా ప్రమోషన్‌లో భాగంగా మంగళవారం నాడు మీడియా మిత్రులకు ఈ చిత్రంలో నటించిన నాగశౌర్య ఇంటర్వ్యూ ఇచ్చాడు. ఈ సందర్బంగా సినిమా గురించి, చిత్రబృందం గురించి పలు విషయాలను పంచుకున్నాడు. మరీ ముఖ్యంగా సమంత గురించి మాట్లాడిన ఓ సీన్‌ను గుర్తు చేసుకుని ఒకితం బాధపడ్డాడు.

నాపై ఉమ్ముతారనుకున్నా!

స‌మంత‌తో ప‌నిచేయ‌డం ఎలా అనిపించింది? అనే ప్రశ్న మీడియా మిత్రలు నుంచి ఎదురువ్వగా... స‌మంతతో ప‌నిచేస్తున్నప్పుడు తాను పెద్ద హీరోయిన్‌తో ప‌నిచేస్తున్నాన‌ని ఏ ఫీలింగ్ అనిపించలేదన్నాడు. ఎ సీన్‌లో స‌మంత మీద విస్కీ ఉమ్మేయాల్సి ఉంటుంది. నిజంగా దాన్ని నేను చేయను.. చేయలేనని చెప్పేసే పరిస్థితి వచ్చిందని.. అయితే పాపం.. స‌మంత హెసిటేట్ చేయ‌కుండా ఉమ్మేయ‌ండి ఇది షూటింగ్ కదా అని చెప్పిందన్నారు. అయినా.. ‘స‌మంత మీద ఉయ్యడం ఏంటి?... న‌న్ను బ‌య‌ట ఊస్తార‌ని అనుకున్నా. కానీ స‌మంత‌ డెడికేటెడ్ వ్యక్తి. ఆమె కోఆప‌రేట్ చేయ‌డం వ‌ల్లే ఆ సీన్ చేయ‌గ‌లిగాను’ అని నాగశౌర్య చెప్పుకొచ్చాడు. అయితే ఈ సీన్ ఓ బేబీలో ఎంత మాత్రం పండిందో తెలియాలంటే థియేర్లలో సినిమా చూడాల్సిందే మరి.