నాగ శౌర్య సినిమాలో తేజు హీరోయిన్..
- IndiaGlitz, [Tuesday,March 22 2016]
ఊహలు గుసగుసలాడే, దిక్కులు చూడకు రామ‌య్య చిత్రాల్లో న‌టించి తాజాగా క‌ళ్యాణ వైభోగ‌మే చిత్రంతో స‌క్సెస్ సాధించిన యువ హీరో నాగ‌శౌర్య. న‌టుడు & ద‌ర్శ‌కుడు అవ‌స‌రాల శ్రీనివాస్ ద‌ర్శ‌క‌త్వంలో నాగ శౌర్య నటిస్తున్న చిత్రం జ్యో అచ్యుతానంద. ఈ చిత్రంలో నాగ శౌర్య తో పాటు మ‌రో హీరో నారా రోహిత్ కూడా న‌టిస్తున్నారు.
ఇద్ద‌రు అన్న‌ద‌మ్ముల ప్రేమ‌క‌థా చిత్రంగా ఈ చిత్రాన్ని అవ‌స‌రాల శ్రీనివాస్ రూపొందిస్తున్నారు. ఈ చిత్రంలో సాయిథ‌ర‌మ్ తేజ్ హీరోయిన్ రెజీనా న‌టిస్తున్న‌ట్టు స‌మాచారం. ఈ చిత్రాన్ని ఏప్రిల్ మొద‌టివారంలో ప్రారంభించ‌డానికి ప్లాన్ చేస్తున్నారు. ఈ చిత్రాన్ని వారాహి చ‌ల‌న చిత్ర బ్యాన‌ర్ పై సాయి కొర్ర‌పాటి నిర్మిస్తున్నారు. క‌ళ్యాణి మాలిక్ సంగీతాన్ని అందిస్తున్నారు.