ఒక సినిమా విడుద‌ల‌కు సిద్ధ‌మ‌వుతుండ‌గానే మ‌రో సినిమాను ప‌ట్టాల‌మీద‌కు ఎక్కించి బిజీ అవుతున్నాడు హీరో నాగ‌శౌర్య‌. తాజాగా ఆయ‌న న‌టించిన @న‌ర్త‌న‌శాల ఇంకా విడుద‌ల కాలేదు. అప్పుడే ఇంకో సినిమాకు గ్రీన్ సిగ్న‌ల్ ఇచ్చేశాడు శౌర్య‌. ఆ సినిమాకు గ‌ణ అనే పేరు పెట్టారు. సినిమాలో హీరో పేరు గ‌ణ‌ప‌తి. దాన్ని బేస్ చేసుకుని గ‌ణ అని పేరు పెట్టారు.

శేఖ‌ర్ క‌మ్ముల దగ్గ‌ర ద‌ర్శ‌క‌త్వ‌శాఖ‌లో ప‌నిచేసిన తేజ అనే వ్య‌క్తి చెప్పిన క‌థ న‌చ్చ‌డంతో వెంట‌నే గ్రీన్ సిగ్న‌ల్ ఇచ్చేశాడు శౌర్య‌. ఈ సినిమా ఎప్పుడు పట్టాలెక్కుతుందో ఐరా క్రియేష‌న్స్ చెప్పాలి. ఎందుకంటే ఈ సినిమాను కూడా సొంత నిర్మాణ సంస్థ‌లోనే తెర‌కెక్కించాల‌న్న‌ది శౌర్య సంక‌ల్పం. త‌న సొంత సంస్థ ఐరాలో ఇప్ప‌టికే చ‌లో హిట్ అందుకున్నాడు శౌర్య‌.

రెండో సినిమా న‌ర్త‌న‌శాల కూడా అదే బ్యాన‌ర్‌పై తెర‌కెక్కుతోంది. ఇప్ప‌టికే పాజిటివ్ బ‌జ్‌ని కూడా తెచ్చుకుంది. సో మూడో సినిమాను కూడా సొంత సంస్థ‌లోనే తెర‌కెక్కించ‌డానికి ఉత్సాహ‌ప‌డుతున్నాడు శౌర్య‌.