ఊహ‌లు గుస‌గ‌స‌లాడే..చిత్రంతో తెలుగు తెర‌కు ప‌రిచ‌య‌మైన యువ హీరో నాగ శౌర్య‌. ఆత‌ర్వాత దిక్కులు చూడ‌కు రామ‌య్య‌, ల‌క్ష్మి రావే మా ఇంటికి, జాదుగాడు, క‌ళ్యాణ వైభోగ‌మే...త‌దిత‌ర చిత్రాల‌తో మంచి గుర్తింపు ఏర్ప‌రుచుకున్నాడు. తాజాగా మెగా ఫ్యామిలీ నుంచి హీరోయిన్ గా ఎంట్రీ ఇస్తున్న‌నిహారిక తో క‌లిసి ఒక మ‌న‌సు అనే చిత్రంలో న‌టించాడు. మెగా హీరోల స‌మ‌క్షంలో జ‌రిగిన ఒక మ‌న‌సు ఆడియో వేడుక‌లో నాగ శౌర్య మాట్లాడుతూ...సాగ‌ర సంగ‌మం, గీతాంజ‌లి చిత్రాల వ‌లే ఒక మ‌న‌సు ఎప్ప‌టికీ నిలిచిపోతుంది అని చెప్పారు.

ఇక అస‌లు విష‌యం ఏమిటంటే...నాగ శౌర్య నాగార్జున వీరాభిమాని. ఎంత వీరాభిమానం అంటే...ఊహ‌లు గుస‌గుస‌లాడే చిత్రాన్ని బాల‌కృష్ణ చూసి బాగుంది అని మీడియాతో చెప్పారు. బాల‌కృష్ణ మీ సినిమా చూసి బాగుంది అని చెప్ప‌డం ఎలా ఫీల‌వుతున్నారు అని నాగ శౌర్య‌ని అడిగితే...బాల‌కృష్ణ గారు నా సినిమా చూసి బాగుంది అని చెప్ప‌డం సంతోష‌మే...కానీ...నా అభిమాన హీరో నాగార్జున గారు నా సినిమా చూసి బాగుంది అని చెబితే నాకు 100% తృప్తిగా ఉంటుంది అని మీడియా ఇంట‌ర్ వ్యూలో చెప్పారు నాగ శౌర్య‌. ఇక ఇప్పుడు ఒక మ‌న‌సు చిత్రం గురించి మెగా హీరోల స‌మ‌క్షంలో నాగ శౌర్య మాట్లాడుతూ... గీతాంజ‌లి చిత్రంలా ఒక మ‌న‌సు ఎప్పటికీ నిలిచిపోతుంది అని చెప్పారు. నీ చుట్టూ ఎవ‌రు ఉన్నా...నీ మ‌న‌సులో మాట‌ను..నిర్భ‌యంగా చెబుతూ...నాగ్ పై నీ అభిమానాన్ని చూపిస్తున్న నాగ శౌర్య ఆల్ ది బెస్ట్.