హీరోలు కొన్ని ప్రాజెక్టులు చేయ‌కూడ‌ద‌ని అనుకున్నా కూడా.. డైరెక్ట‌ర్, స్క్రీన్‌ప్లే న‌చ్చితే చేయాల్సి వ‌స్తుంది. అలా న‌చ్చ‌క‌పోయినా అక్కినేని నాగ‌చైత‌న్య ఓ జోన‌ర్ సినిమాలో న‌టించ‌డానికి ఓకే చెప్పార‌ని వార్త‌లు వినిపిస్తున్నాయి. ఇంత‌కూ చైత‌న్య‌కు నచ్చ‌క‌పోయినా, త‌ను న‌టిస్తోన్న జోన‌ర్ మూవీ ఏంటో తెలుసా?.. హార‌ర్ జోన‌ర్‌. చిన్న‌ప్ప‌ట్నుంచి హార‌ర్ సినిమాలు చూడ‌టానికి నాగ‌చైత‌న్య చిన్న‌ప్ప‌ట్నుంచి భ‌య‌ప‌డేవాడ‌ట‌. అందుక‌నే ఇప్ప‌టి వ‌ర‌కు హార‌ర్ జోన‌ర్ సినిమాలు చేయ‌లేదు. ఈ విష‌యాన్ని చైత‌న్య ఓ ఇంట‌ర్వ్యూలోనూ చెప్పారు.

అయితే ఇప్పుడు విక్ర‌మ్ కుమార్ ద‌ర్శ‌క‌త్వంలో చైత‌న్య చేస్తున్న సినిమా హార‌ర్ జోన‌ర్‌లో ఉంటుంద‌ని స‌మాచారం. దిల్‌రాజు నిర్మిస్తోన్న ఈ చిత్రానికి థాంక్యూ అనే టైటిల్ ప‌రిశీల‌న‌లో ఉంద‌ట‌. ఇందులో చైత‌న్య ఆర‌వై ఏళ్ల వ్య‌క్తి.. న‌ల‌బై ఏళ్ల మ‌ధ్య వ‌య‌స్కుడిగా, 20 ఏళ్ల కుర్రాడిగా కనిపిస్తార‌ని వార్త‌లు జోరుగా వినిపిస్తున్నాయి. ప్ర‌స్తుతం శేఖ‌ర్ క‌మ్ముల ద‌ర్శ‌క‌త్వంలో చైతు, సాయిప‌ల్ల‌వి జంట‌గా ల‌వ్‌స్టోరి అనే సినిమా తెర‌కెక్కుతోంది. ఈ సినిమా షూటింగ్ పూర్తి కాగానే, విక్ర‌మ్ కుమార్ ద‌ర్శ‌క‌త్వంలో సినిమా సెట్స్ పైకి వెళుతుంద‌ని అంటున్నారు.