ప్రేమ‌మ్, సాహ‌సం శ్వాసగా సాగిపో చిత్రాల‌తో వ‌రుస విజ‌యాలు సాధించిన అక్కినేని నాగ‌చైత‌న్య ప్ర‌స్తుతం సోగ్గాడే చిన్ని నాయానా ఫేమ్ క‌ళ్యాణ్ కృష్ణ ద‌ర్శ‌క‌త్వంలో ఓ చిత్రం చేస్తున్నారు. ఈ చిత్రం తాజా షెడ్యూల్ వైజాగ్ లో ప్లాన్ చేసారు.రొమాంటిక్ ఫ్యామిలీ ఎంట‌ర్ టైన‌ర్ గా రూపొందుతున్న ఈ చిత్రాన్ని అన్న‌పూర్ణ స్టూడియోస్ బ్యాన‌ర్ పై నాగార్జున నిర్మిస్తున్నారు.

ఇక ఈ సినిమా త‌ర్వాత ఇంద్ర‌గంటి మోహ‌న‌కృష్ణ ద‌ర్శ‌క‌త్వంలో నాగ చైత‌న్య ఓ చిత్రం చేయ‌నున్నారు. ఈ చిత్రాన్ని వారాహి చ‌ల‌న‌చిత్రం బ్యాన‌ర్ పై సాయి కొర్ర‌పాటి నిర్మిస్తున్నారు. ఈ మూవీ ఫిబ్ర‌వ‌రిలో సెట్స్ పైకి వెళ్ల‌డానికి రెడీ అవుతుంది. ఈ రెండు చిత్రాల త‌ర్వాత నాగ చైత‌న్య హీరోగా నూత‌న ద‌ర్శ‌కుడు కృష్ణ ద‌ర్శ‌క‌త్వంలో ఓ చిత్రం రూపొంద‌నుంది. ఈ చిత్రాన్ని సురేష్ ప్రొడ‌క్ష‌న్స్ బ్యాన‌ర్ పై సురేష్ బాబు నిర్మించాలి అనుకున్నారు.

అయితే...ఈ చిత్రాన్ని సురేష్ ప్రొడ‌క్ష‌న్స్ బ్యాన‌ర్ పై కాకుండా వేరే బ్యాన‌ర్ పై నిర్మించ‌నున్న‌ట్లు స‌మాచారం. సురేష్ ప్రొడ‌క్ష‌న్ బ్యాన‌ర్ పై నిర్మించాలి అనుకున్న ప్రాజెక్ట్ వేరే బ్యాన‌ర్ లో రూపొందించాలి అనుకోవ‌డంతో ఏకంగా ఈ ప్రాజెక్టే క్యాన్సిల్ అయింది అంటూ ప్ర‌చారం జ‌రుగుతుంది.అది అస‌లు విష‌యం..! ఏది ఏమైనా... చైత‌న్య కళ్యాణ్ కృష్ణ‌, ఇంద్ర‌గంటి మోహ‌న‌కృష్ణ‌, కృష్ణ‌...ఇలా ముగ్గురు కృష్ణ‌ల‌తో సినిమాలు చేస్తుండ‌డం విశేషం.