ఆరోజు చైతు మ‌ర‌చిపోలేని రోజు..!
- IndiaGlitz, [Thursday,January 05 2017]
అక్కినేని నాగ‌చైత‌న్య జీవితంలో జ‌న‌వ‌రి 29 మ‌ర‌చిపోలేని రోజుగా మార‌బోతుంది అట. ఇంత‌కీ విశేషం ఏమిటి అనుకుంటున్నారా..? ఒక‌టి కాదు రెండు విశేషాలు అంటూ ప్ర‌చారం జ‌రుగుతుంది. అందులో ఒక‌టి చైతు, స‌మంతల నిశ్చితార్ధం ఈనెల 29న జ‌ర‌గ‌నుంది అని స‌మాచారం. హైద‌రాబాద్ లో ఘ‌నంగా ఈ నిశ్చితార్ధం చేసేందుకు ఏర్పాట్లు చేస్తున్నార‌ట.
ఇక రెండో విషయం ఏమిటంటే...చైత‌న్య హీరోగా రానా ద‌గ్గుబాటి ఓ చిత్రాన్ని నిర్మిస్తున్న విషయం తెలిసిందే. ఈ చిత్రాన్ని కూడా ఈనెల 29న ప్రారంభించనున్నార‌ని తెలిసింది. ఈ చిత్రానికి నూత‌న ద‌ర్శ‌కుడు కృష్ణ ద‌ర్శ‌క‌త్వం వ‌హించ‌నున్నారు. ఈ చిత్రాన్ని సురేష్ ప్రొడ‌క్ష‌న్స్ బ్యాన‌ర్ పై సురేష్ బాబు నిర్మించాలి అనుకున్నారు. అయితే... రానా ప్రొడ్యూస్ చేస్తున్నాడు. మ‌రి..ప్ర‌చారంలో ఉన్న‌ట్లు ఇది నిజ‌మైతే నిజంగానే ఈనెల 29 చైతు లైఫ్ లో మ‌రిచిపోలేని రోజు అవుతుంది.