ప్ర‌స్తుతం క‌ళ్యాణ్ కృష్ణ ద‌ర్శ‌క‌త్వంలో అన్న‌పూర్ణ స్టూడియోస్ బ్యాన‌ర్‌పై రారండోయ్ వేడుక‌చూద్దాం, కృష్ణ అనే నూత‌న ద‌ర్శ‌కుడితో ఓ స‌స్పెన్స్ థ్రిల్ల‌ర్ సినిమా చేస్తున్న అక్కినేని నాగ‌చైత‌న్య త‌న త‌దుప‌రి చిత్రాన్ని చందు మొండేటి ద‌ర్శ‌క‌త్వంలో చేయ‌నున్నాడ‌ని వార్త‌లు విన‌ప‌డ్డ సంగ‌తి తెలిసిందే.

అల్రెడి చైత‌న్య‌తో ప్రేమమ్ వంటి ల‌వ్ ఎంట‌ర్‌టైన‌ర్‌ను తెర‌కెక్కించి హిట్ అందించిన చందు మొండేటి అల్రెడి చైతు కోసం ఓ మంచి లైన్‌ను సిద్ధం చేసుకున్నాడ‌ట‌. చైతు కూడా సినిమా చేయ‌డానికి గ్రీన్ సిగ్న‌ల్ ఇచ్చేశాడు. త్వ‌ర‌లోనే సెట్స్‌లోకి వెళ్ళ‌నున్న ఈ సినిమాను శ్రీమంతుడు, జ‌న‌తాగ్యారేజ్ వంటి బ్లాక్‌బ‌స్ట‌ర్ చిత్రాల‌ను నిర్మించిన మైత్రీ మూవీ మేక‌ర్స్ సంస్థ నిర్మించ‌నుంద‌ట‌.

ప్ర‌స్తుతం మైత్రీ మూవీ మేక‌ర్స్ సుకుమార్‌, రామ్‌చ‌ర‌ణ్ కాంబినేష‌న్‌లో ఓ సినిమాను నిర్మిస్తున్న సంగ‌తి తెలిసిందే.