వాటిపైనే ఆసక్తి చూపిస్తున్న నాగ చైతన్య
- IndiaGlitz, [Thursday,September 14 2017]
జ‌యాప‌జ‌యాల సంగ‌తి ప‌క్క‌న పెడితే.. యువ క‌థానాయ‌కుడు అక్కినేని నాగ‌చైత‌న్య‌ని ఓ విష‌యంలో మెచ్చుకు తీరాల్సిందే. అదేమిటంటే.. ఈ మ‌ధ్య కాలంలో త‌న సినిమాల‌కి అచ్చ తెలుగు టైటిల్స్‌నే ఎంచుకోవ‌డం. సాహ‌సం శ్వాస‌గా సాగిపో, రారండోయ్ వేడుక చూద్దాం, యుద్ధం శ‌ర‌ణం.. ఇలా వ‌రుస‌గా మూడు సినిమాల‌కు అచ్చ తెలుగు టైటిల్స్‌నే ఎంచుకున్న చైతన్య.. త‌న త‌దుప‌రి చిత్రాలుగా స‌వ్య‌సాచి, మంచోడు సినిమాలు చేస్తున్నాడు.
ఇవి కూడా తెలుగుద‌నం ఉన్న సినిమా టైటిల్సే. అంతేకాదు.. ఇప్ప‌టివ‌ర‌కు నాగ‌చైత‌న్య క‌థానాయ‌కుడిగా 14 సినిమాలు రిలీజైతే.. వాటిలో జోష్‌, 100% ల‌వ్‌, త‌డాఖా, ప్రేమ‌మ్ మిన‌హాయిస్తే.. మిగిలిన‌వ‌న్నీ తెలుగుద‌నం ఉన్న‌వే. యాదృచ్ఛికంగా జ‌రిగినా లేదంటే కావాల‌నే ఇలాంటి టైటిల్స్ పెట్టుకున్నా.. నాగ‌చైత‌న్య అభిరుచిని మెచ్చుకోవాల్సిందే అంటున్నారు సినీ విశ్లేష‌కులు.