`ప్రేమ‌మ్` వంటి విజ‌య‌వంత‌మైన చిత్రం త‌రువాత యువ క‌థానాయ‌కుడు నాగ‌చైత‌న్య‌, యువ ద‌ర్శ‌కుడు చందు మొండేటి కాంబినేష‌న్‌లో రూపొందుతున్న చిత్రం `స‌వ్య‌సాచి`. హ్యాట్రిక్ విజ‌యాల నిర్మాణ సంస్థ మైత్రీ మూవీ మేక‌ర్స్ నిర్మిస్తున్న ఈ చిత్రం ద్వారా నిధి అగ‌ర్వాల్ క‌థానాయిక‌గా ప‌రిచ‌మ‌వుతోంది. భూమికా చావ్లా, మాధ‌వ‌న్ కీల‌క పాత్ర‌ల్లో న‌టిస్తుండ‌గా.. మిల్కీ బ్యూటీ త‌మ‌న్నా ప్ర‌త్యేక గీతంలో క‌నిపించ‌నుంది.

ఈ సినిమా సెప్టెంబ‌ర్‌లో విడుద‌ల‌వుతుంద‌ని వార్త‌లు వినిపించినా.. చైతన్య‌, మారుతిల శైలజారెడ్డి అల్లుడు సినిమా ఆగ‌స్ట్ 31న విడుద‌ల‌వుతుండ‌టంతో స‌వ్య‌సాచి సినిమాను దీపావ‌ళి సంద‌ర్భంగా న‌వంబ‌ర్ 7న విడుద‌ల చేసే అవకాశం ఉంద‌ని వార్త‌లు వినిపించాయి. అయితే తాజాగా మైత్రీ మూవీ మేక‌ర్స్ అధినేత‌లు సినిమాను నవంబ‌ర్ 2న విడుద‌ల చేస్తున్న‌ట్లు అధికార‌కంగా ప్ర‌క‌టించారు.