దీపావ‌ళికి 'స‌వ్య‌సాచి'
- IndiaGlitz, [Tuesday,August 07 2018]
ప్రేమ‌మ్ వంటి విజ‌య‌వంత‌మైన చిత్రం త‌రువాత యువ క‌థానాయ‌కుడు నాగ‌చైత‌న్య, యువ ద‌ర్శ‌కుడు చందు మొండేటి కాంబినేష‌న్‌లో రూపొందుతున్న చిత్రం 'స‌వ్య‌సాచి'. హ్యాట్రిక్ విజ‌యాల నిర్మాణ సంస్థ మైత్రీ మూవీ మేక‌ర్స్ నిర్మిస్తున్న ఈ చిత్రం ద్వారా నిధి అగ‌ర్వాల్ క‌థానాయిక‌గా ప‌రిచ‌మ‌వుతోంది.
భూమికా చావ్లా, మాధ‌వ‌న్ కీల‌క పాత్ర‌ల్లో న‌టిస్తుండ‌గా.. మిల్కీ బ్యూటీ త‌మ‌న్నా ప్ర‌త్యేక గీతంలో క‌నిపించ‌నుంది. ఈ సినిమా సెప్టెంబ‌ర్‌లో విడుద‌ల‌వుతుంద‌ని వార్త‌లు వినిపించినా.. చైతన్య, మారుతిల శైలజారెడ్డి అల్లుడు సినిమా ఆగ‌స్ట్ 31న విడుద‌ల‌వుతుండ‌టంతో స‌వ్య‌సాచి సినిమాను దీపావ‌ళి సంద‌ర్భంగా న‌వంబ‌ర్ 7న విడుద‌ల చేయ‌డానికి ప్లాన్ చేస్తున్నార‌ట. త్వ‌ర‌లోనే అధికారిక స‌మాచారం వెలువ‌డ‌నుంది.