చైత‌న్య-సాయి ప‌ల్ల‌వి సినిమా వాయిదా ?
- IndiaGlitz, [Thursday,October 10 2019]
నాగ‌చైత‌న్య, సాయి ప‌ల్ల‌వి హీరో హీరోయిన్లుగా శేఖ‌ర్ క‌మ్ముల ద‌ర్శ‌క‌త్వంలో ఓ సినిమా రూపొందుతోన్న సంగ‌తి తెలిసిందే. రీసెంట్‌గా ఈ సినిమా చిత్రీక‌ణ‌ను ప్రారంభించుకున్న సంగ‌తి తెలిసిందే. ఈ చిత్రంలో చైత‌న్య తెలంగాణ మాట్లాడే కుర్రాడి పాత్ర‌లో న‌టిస్తుంటే.. సాయి ప‌ల్ల‌వి భ‌ర‌త నాట్యం నేర్చుకునే అమ్మాయి పాత్ర‌లో న‌టిస్తుంది.
మ్యూజిక‌ల్ ల‌వ్‌స్టోరిగా రూపొందుతోన్న ఈ చిత్రాన్ని ముందుగా డిసెంబ‌ర్ కంతా పూర్తి చేసి ఫిబ్ర‌వ‌రిలో విడుద‌ల చేయాల‌ని నిర్మాత‌లు భావించారు. అయితే ఫిబ్ర‌వ‌రిలో సినిమా విడుద‌లైతే పిల్ల‌లంద‌రికీ ప‌రీక్ష‌లుంటాయి. కాబ‌ట్టి ఆ ఎఫెక్ట్ క‌లెక్ష‌న్స్‌పై ప‌డే అవ‌కాశం ఉంది. కాబ‌ట్టి ద‌ర్శ‌క నిర్మాత‌లు సినిమాను ఫిబ్ర‌వ‌రిలో కాకుండా ఏప్రిల్‌లో విడుద‌ల చేయాల‌ని అనుకుంటున్నార‌ట.
ఏషియ‌న్ ఫిలింస్ అధినేత సునీల్ దాస్ కె.నారంగ్, ఎఫ్.డి.సి ఛైర్మ‌న్ పి.రామ్మోహ‌న్ రావు, భ‌ర‌త్ నారంగ్ ఈ చిత్రాన్ని నిర్మించారు. ఊరు నుండి సిటీకి వ‌చ్చి ఏదైనా సాధించాల‌నుకునే యువ‌తీ యువ‌కుడు మ‌ధ్య న‌డిచే ప్రేమ‌క‌థ. ఫిదా త‌ర్వాత శేఖ‌ర్ క‌మ్ముల ద‌ర్శ‌క‌త్వం వ‌హించ‌నున్న చిత్ర‌మిది. ఫిదా త‌ర్వాత శేఖ‌ర్ క‌మ్ముల మ‌రో సినిమాను స్టార్ట్ చేసిన‌ప్ప‌టికీ .. అది ఆగిపోయినట్లు స‌మాచారం. దీంతో చైత‌న్య, సాయిప‌ల్ల‌వితో సినిమాను స్టార్ట్ చేశారు.