సాహసం శ్వాసగా సాగిపో రిలీజ్ డేట్ ఫిక్స్..!
- IndiaGlitz, [Monday,October 31 2016]
అక్కినేని నాగ‌చైత‌న్య న‌టించిన ప్రేమ‌మ్ ఎంత‌టి విజ‌యాన్ని సాధించిందో తెలిసిందే. అన్నివ‌ర్గాల ప్రేక్షకులను ఆక‌ట్టుకుని ప్రేమ‌మ్ ప్ర‌పంచ వ్యాప్తంగా దాదాపు 22 కోట్లు షేర్ సాధించింది. ఈ మూవీ ఇచ్చిన స‌క్సెస్ సంతోషంలో చైతు సాహసం శ్వాసగా సాగిపో చిత్రంతో ప్రేక్ష‌కుల ముందుకు వ‌చ్చేందుకు రెడీ అవుతున్నాడు. చైత‌న్య, గౌత‌మ్ వాసుదేవ్ మీన‌న్ కాంబినేష‌న్లో రూపొందిన ఏమాయ చేసావే చిత్రం సెన్సేష‌న్ క్రియేట్ చేయ‌డంతో...అదే కాంబినేషన్ లో రూపొందిన ఈ మూవీ పై భారీ అంచ‌నాలు ఉన్నాయి.
ఈ చిత్రంలో చైత‌న్య స‌ర‌స‌న మంజిమ మోహ‌న్ హీరోయిన్ గా న‌టించింది. ద్విభాషా చిత్రంగా రూపొందిన ఈ చిత్రం తెలుగు వెర్షెన్ లో చైత‌న్య న‌టిస్తే, త‌మిళ్ లో శింబు న‌టించారు. సంగీత సంచ‌ల‌నం ఎ.ఆర్.రెహ‌మాన్ సంగీతం అందించిన ఈ సినిమా ఆడియో ఆల్రెడీ స‌క్సెస్ అయ్యింది. ఇక ఈ చిత్రాన్ని నవంబర్ 11న రిలీజ్ చేయ‌డానికి ఏర్పాట్లు చేస్తున్నారు.