చైతు హీరోయిన్ మారింది
- IndiaGlitz, [Thursday,July 14 2016]
యువ స‌మ్రాట్ నాగ‌చైత‌న్య హీరోగా సోగ్గాడే చిన్ని నాయ‌నా ఫేం క‌ళ్యాణ్ కృష్ణ ద‌ర్శ‌క‌త్వంలో ఓ చిత్రం రూపొందుతుంది. ఈ చిత్రాన్ని అన్న‌పూర్ణ స్డూడియోస్ బ్యాన‌ర్ పై అక్కినేని నాగార్జున నిర్మిస్తున్నారు. ఈ చిత్రంలో నాగ చైత‌న్య స‌ర‌స‌న హీరోయిన్ గా స‌మంత‌ని సెలెక్ట్ చేసారు. అయితే..ఏమైందో ఏమో కానీ...స‌మంత ప్లేస్ లో ఇప్పుడు ర‌కుల్ ప్రీత్ సింగ్ ని తీసుకున్న‌ట్టు స‌మాచారం.
ప్ర‌స్తుతం ప్రీ ప్రొడ‌క్ష‌న్ వ‌ర్క్ జ‌రుపుకుంటుంది. ఆగ‌ష్టు మొద‌టివారంలో ఈ చిత్రం షూటింగ్ ప్రారంభించ‌నున్నారు. రొమాంటిక్ ఫ్యామిలీ ఎంట‌ర్ టైన‌ర్ గా ఈ చిత్రం ఉంటుంద‌ని ద‌ర్శ‌కుడు క‌ళ్యాణ్ కృష్ణ తెలియ‌చేసారు. ప్ర‌స్తుతం ఈ చిత్రంలో న‌టించే న‌టీనటులు ఎంపిక జ‌రుగుతుంది. త్వ‌ర‌లోనే అఫిషియ‌ల్ గా పూర్తి వివ‌రాల‌ను ప్ర‌క‌టించ‌నున్నారు.