అక్కినేని నాగ‌చైత‌న్య పుట్టిన‌రోజు శ‌నివారం. ఈ సంద‌ర్భంగా ఆయ‌నకు అంద‌రూ అభినంద‌న‌లు తెలుపుతున్నారు. కాగా.. లేటెస్ట్ స‌మాచారం మేర‌కు ఆయ‌న త‌దుప‌రి సినిమాకు సంబంధించిన న్యూస్ సోష‌ల్ మీడియాలో చ‌క్క‌ర్లు కొడుతుంది. అదేంటంటే.. నాగ‌చైత‌న్య త‌న త‌దుప‌రి చిత్రాన్ని ప‌రుశురాం ద‌ర్శ‌క‌త్వంలో చేయ‌బోతున్నాడ‌ట‌. 14 రీల్స్ ప్ల‌స్ బ్యాన‌ర్‌పై రామ్ ఆచంట‌, గోపీ ఆచంట ఈ చిత్రాన్ని నిర్మించ‌బోతున్నార‌ట‌. ఈ సినిమా షూటింగ్ వ‌చ్చే ఏడాది మే నెల‌లో కానీ.. లేదా మే త‌ర్వాత కానీ ప్రారంభ‌మ‌య్యే అవ‌కాశాలున్నాయంటున్నారు. ఆలోపు నాగ‌చైత‌న్య నాగార్జున‌తో క‌లిసి `సొగ్గాడే చిన్ని నాయ‌నా` సీక్వెల్ `బంగార్రాజు`ను పూర్తి చేస్తాడ‌ట‌. ఆలోపు ప‌రుశురాం ఫైన‌ల్ డ్రాఫ్ట్‌ని సిద్ధం చేస్తాడ‌ని టాక్‌.

`గీత గోవిందం` వంటి రూ.100 కోట్ల వ‌సూళ్ల‌ను సాధించిన సినిమాను డైరెక్ట్ చేసిన ప‌రుశురాంకు వెంట‌నే సినిమాలు రాలేదు. ఆయ‌న త‌దుప‌రి సినిమా కోసం హీరోల చుట్టూనే గ‌ట్టిగానే తిరిగాడు. మ‌హేశ్‌, విజ‌య్ దేవ‌ర‌కొండ వంటి హీరోల చుట్టూ తిరిగినా ప‌రుశురాంను ఎవ‌రూ ప‌ట్టించుకోలేదు. అయితే ప‌రుశురాం ప‌ట్టువ‌ద‌ల‌ని విక్ర‌మార్కుడిలా త‌న క‌థ‌తో రీసెంట్‌గా నాగ‌చైత‌న్య‌ను క‌లిశాడు. చైతుకి క‌థ న‌చ్చ‌డంతో ఆయ‌న ఓకే చెప్పాడ‌ట‌. ఈలోపు చైత‌న్య త‌న క‌మిట్‌మెంట్స్ పూర్తి చేసుకుంటాడు. ప‌రుశురాం త‌న స్క్రిప్ట్‌తో పాటు ప్రీ ప్రొడ‌క్ష‌న్ ప‌నుల‌ను పూర్తి చేసేస్తాడ‌ట‌.