చైత‌న్య నెక్ట్స్ ఆ ద‌ర్శ‌కుడితోనేనా..?
- IndiaGlitz, [Friday,April 17 2020]
అక్కినేని నాగ‌చైత‌న్య సెన్సిటివ్ స‌బ్జెక్ట్స్‌ను డీల్ చేసే డైరెక్ట‌ర్ శేఖ‌ర్ క‌మ్ముల ద‌ర్శ‌క‌త్వంలో ‘ల‌వ్‌స్టోరి’ సినిమాలో న‌టిస్తున్నాడు. సాయిప‌ల్ల‌వి హీరోయిన్‌గా న‌టిస్తుంది. ఈ సినిమాను ఏప్రిల్ లేదా మే నెల‌లో విడుద‌ల చేయాల‌ని ద‌ర్శ‌క నిర్మాత‌లు భావించారు. కానీ క‌రోనా ప్ర‌భావంతో సినిమా విడుద‌ల విష‌యంలో సందిగ్ధం నెల‌కొంది.
దీని తర్వాత నాగ‌చైత‌న్య హీరోగా ప‌రుశురామ్ ఓ సినిమాను లాంఛ‌నంగా ప్రారంభించిన సంగ‌తి తెలిసిందే. అయితే పరుశురామ్‌కు మహేశ్ నుండి పిలుపు రావ‌డంతో చైతు సినిమాను ప‌క్క‌న పెట్టేసి వెళ్లిపోయాడు. దాంతో చైత‌న్య ఇప్పుడు మ‌రో సినిమాను ట్రాక్ ఎక్కించ‌డానికి రంగం సిద్ధం చేసుకుంటున్నాడ‌ట.
లేటెస్ట్ స‌మాచారం మేర‌కు డైరెక్ట‌ర్ మోహనకృష్ణ ఇంద్ర‌గంటి ద‌ర్శ‌క‌త్వంలో సినిమా చేయ‌డానికి చైత‌న్య చ‌ర్చ‌లు జ‌రుపుతున్నాడ‌ట. త్వ‌ర‌లోనే చ‌ర్య‌లు ఓ కొలిక్కి వ‌చ్చే అవ‌కాశం ఉంద‌ని అంటున్నారు. ప్ర‌స్తుతం నాని 25వ చిత్రం ‘వి’ను మోహనకృష్ణ ఇంద్ర‌గంటి డైరెక్ట్ చేశారు. ఈ సినిమా ఉగాది సంద‌ర్భంగా విడుద‌ల కావాల్సింది. కానీ విడుద‌ల కాలేదు. త‌దుప‌రి సినిమా విడుద‌ల కాకుండానే ఇంద్ర‌గంటి మ‌రో సినిమాను ట్రాక్‌లో పెట్టుకుంటున్నాడు. అంతా ఓకే అయితే క‌రోనా ప్ర‌భావం త‌గ్గిన తర్వాత ఈ సినిమాకు సంబంధించిన అనౌన్స్‌మెంట్ ఉంటుంద‌ట.