అక్కినేని నాగ చైత‌న్య న‌టిస్తున్న తాజా చిత్రం ప్రేమ‌మ్. చందు మొండేటి ద‌ర్శ‌క‌త్వంలో రూపొందుతున్న ప్రేమ‌మ్ ఫ‌స్ట్ లుక్ & టైటిల్ ఈరోజు రిలీజ్ చేసారు. జులైలో ఈ సినిమా ప్రేక్ష‌కుల ముందుకు రానుంది. ఈ సినిమా కంటే ముందు గౌత‌మ్ మీన‌న్ ద‌ర్శ‌క‌త్వంలో రూపొందుతున్న సాహ‌సం శ్వాస‌గా సాగిపో రిలీజ్ అవుతుంది. ఈ రెండు చిత్రాల త‌ర్వాత వ‌రుస‌గా సినిమాలు చేసేందుకు స్పీడు పెంచాడు చైతు. ఏకంగా మూడు చిత్రాల క‌ధా చ‌ర్చ‌లు జ‌రుగుతున్నాయి.

సోగ్గాడే చిన్ని నాయ‌నా డైరెక్ట‌ర్ క‌ళ్యాణ్ కృష్ణ ద‌ర్శ‌క‌త్వంలో ఓ సినిమా చేసేందుకు గ్రీన్ సిగ్న‌ల్ ఇచ్చాడు. అన్న‌పూర్ణ స్టూడియోస్ బ్యాన‌ర్ పై ఈ చిత్రాన్ని నిర్మించ‌నున్నారు. ఇదిలా ఉంటే డిక్టేట‌ర్ డైరెక్ట‌ర్ శ్రీవాస్ చైతు కోసం క‌థ రెడీ చేసార‌ట‌. ఈ సినిమా క‌థ చ‌ర్చ‌లు కూడా జ‌రుగుతున్నాయి. లేటెస్ట్ గా హ‌రీష్ శంక‌ర్ చైత‌న్య కోసం ఓ మాస్ క‌థ రెడీ చేసాడ‌ట‌. హ‌రీష్ శంక‌ర్ ఇటీవ‌ల చైత‌న్య‌కి లైన్ వినిపించార‌ని.. క‌థ విని చైతు ఫుల్ స్ర్కిప్ట్ రెడీ చేయ‌మ‌న్న‌ట్టు స‌మాచారం. క‌ళ్యాణ్ కృష్ణ‌, శ్రీవాస్, హ‌రీష్ శంక‌ర్...ఈ ముగ్గురు ఫుల్ స్ర్కిప్ట్ రెడీ చేసే ప‌నిలో బిజీగా ఉన్నార‌ట‌. మ‌రి..ముందుగా ఎవ‌రి స్ర్కిప్ట్ రెడీ అవుతుందో...చైతు ఎవ‌రితో ముందుగా సినిమా స్టార్ట్ చేస్తాడో చూడాలి.