చైతన్య - కళ్యాణ్ కృష్ణ మూవీ రెగ్యులర్ షూటింగ్ ప్రారంభం..!
- IndiaGlitz, [Wednesday,November 09 2016]
ప్రేమ‌మ్ తో స‌క్సెస్ సాధించిన చైతన్య సాహ‌సం శ్వాస‌గా సాగిపో చిత్రంతో ఈనెల 11న ప్రేక్ష‌కుల ముందుకు రానున్నాడు. ఇదిలా ఉంటే...సొగ్గాడే చిన్ని నాయ‌నా ఫేమ్ కళ్యాణ్ కృష్ణ ద‌ర్శ‌క‌త్వంలో చైతన్య ఓ చిత్రం చేస్తున్న విష‌యం తెలిసిందే. ఈ చిత్రాన్ని అన్న‌పూర్ణ స్టూడియోస్ బ్యాన‌ర్ పై అక్కినేని నాగార్జున నిర్మిస్తున్నారు. ఈ మూవీలో చైతన్య స‌ర‌స‌న ర‌కుల్ ప్రీత్ సింగ్ న‌టిస్తుంది. ఈ చిత్రం రెగ్యులర్ షూటింగ్ ను ఈరోజు ప్రారంభించారు. ఈరోజు, రేపు శంషాబాద్ ఎయిర్ పోర్ట్ ప‌రిస‌ర ప్రాంతాల్లో షూటింగ్ చేయ‌నున్నారు.
ఆత‌ర్వాత ఈనెల 15 నుంచి 20 వ‌ర‌కు అన్న‌పూర్ణ స్టూడియోలో షూటింగ్ చేయ‌డానికి ప్లాన్ చేస్తున్నారు. హైద‌రాబాద్ షెడ్యూల్ త‌ర్వాత డిసెంబ‌ర్ లో 15 రోజులు పాటు వైజాగ్ లో షూటింగ్ చేయ‌నున్నారు. ఈ మూవీలో జ‌గ‌ప‌తిబాబు కీల‌క పాత్ర పోషిస్తున్నారు. యువ సంగీత సంచ‌ల‌నం దేవిశ్రీప్ర‌సాద్ సంగీతం అందిస్తున్నారు. నిన్నే పెళ్లాడ‌తా త‌ర‌హాలో రొమాంటిక్ ఫ్యామిలీ ఎంట‌ర్ టైన‌ర్ గా ఈ చిత్రం రూపొందుతుంది..!