స‌మంత బాట‌లో న‌డ‌వ‌డానికి చైతూ సిద్ధ‌మ‌య్యారు. కెరీర్లో కాస్త నిల‌దొక్కుకున్న త‌ర్వాత స‌మంత త‌ర‌హా బోల్డ్ పాత్ర‌ల్లో న‌టించాల‌న్న‌ది ఆయ‌న డ్రీమ్ అట‌. ఇటీవ‌ల 'సూప‌ర్ డీల‌క్స్' లో స‌మంత ఎంపిక చేసుకున్న పాత్ర విని ప్ర‌స్తుతం విస్తుపోయినా, త‌ర్వాత గో ఎహెడ్ అని అన్నార‌ట‌. భ‌విష్య‌త్తులో తాను కూడా అలాంటి ఎక్స్ పెరిమెంట‌ల్ చిత్రాల‌ను చేయాల‌ని అనుకుంటున్నార‌ట చైతూ.

పెళ్లి త‌ర్వాత నాగ‌చైత‌న్య‌, స‌మంత క‌లిసి న‌టించిన 'మ‌జిలీ' ఇప్పుడు 50 కోట్ల క్ల‌బ్‌లో చేరింది. అందుకే ఈ సినిమా గ్రాండ్ స‌క్సెస్ మీట్‌ను మంగ‌ళ‌వారం హైద‌రాబాద్‌లో ఏర్పాటు చేశారు. అక్కినేని ఫ్యామిలీతో పాటు ఇండ‌స్ట్రీకి చెందిన ప‌లువురు ప్ర‌ముఖులు ఈ కార్య‌క్ర‌మంలో పాల్గొంటారు. ఈ సినిమాకు ప్రీ రిలీజ్ బిజినెస్ రూ.21కోట్లు కావ‌డ‌మే పెద్ద ప్ల‌స్ అయింది.

దానికి తోడు ఫ‌స్ట్ డే హిట్ టాక్ కూడా రూ.50కోట్ల క్ల‌బ్ లో చేర‌డానికి దోహ‌ద‌ప‌డింది. ద‌ర్శ‌కుడు శివ నిర్వాణ‌కు రెండో సినిమా ఆటంకాన్ని దాటిన‌ట్ట‌యింది. సినిమా పెద్ద హిట్ కావ‌డంతో నిర్వాణ సంస్థ అధినేత‌లు సాహు గార‌పాటి, హ‌రీష్ పెద్ది చాలా ఆనందంగా ఉన్నార‌ట‌. చైతూతో వెంట‌నే మ‌రో సినిమా చేయాల‌న్నంత ఉత్సాహంగా ఉంద‌ని ఫ్రెండ్స్ తో చెబుతున్నార‌ట‌. అన్నీ కుదిరితే త్వ‌ర‌లోనే ఈ కాంబినేష‌న్‌ను మ‌రోసారి చూడొచ్చేమో మ‌రి.