మెగాస్టార్ చిరంజీవి, మెగాప‌వ‌ర్‌స్టార్ రామ్‌చ‌ర‌ణ్‌ని అక్కినేని హీరో ఫాలో అయ్యాడు. ఇంత‌కీ మెగా హీరోల‌ను ఫాలో అయిన హీరో ఎవ‌రు? ఎందుకు ఫాలో అయ్యాడు? అనే వివ‌రాల్లోకి వెళితే.. లొకేష‌న్ విష‌యంలో. ఆచార్య సినిమా కోసం చిరంజీవి, రామ్‌చ‌ర‌ణ్ రాజ‌మండ్రిలోని మారేడుమిల్లికి చేరుకున్నారు. ఇప్పుడు చైత‌న్య కూడా రాజ‌మండ్రిలోకే మకాం పెట్టాడు మరి. నాగ‌చైత‌న్య‌, విక్ర‌మ్ కుమార్ కాంబినేష‌న్‌లో రూపొందుతోన్న చిత్రం ‘థాంక్యూ’. సినిమా షూటింగ్ శరవేగంగా జరుగుతోంది. దిల్‌రాజు, శిరీష్ నిర్మిస్తోన్న ఈ సినిమా తాజా షెడ్యూల్‌ను ముందుగా క‌ర్ణాట‌క‌లో చిత్రీక‌రించాల‌ని ద‌ర్శ‌క నిర్మాత‌లు భావించారు. అయితే ఇప్పుడు రాజ‌మండ్రిలో అయితేనే బెట‌ర్ అని యూనిట్ భావిస్తోంద‌ట‌.

ఈ షెడ్యూల్ 15 రోజుల పాటు ఉంటుంద‌ట‌. ఇందులో నాగ‌చైత‌న్, మాళ‌వికా నాయ‌ర్‌ల‌పై స‌న్నివేశాల‌ను చిత్రీక‌రిస్తార‌ని స‌మాచారం. బీవీఎస్ ర‌వి క‌థ‌ను అందించిన సినిమా ఇది. మ‌నం త‌ర్వాత నాగ‌చైత‌న్య‌, విక్ర‌మ్ కుమార్ కాంబినేష‌న్‌లో తెర‌కెక్కుతోంది. మరోవైపు నాగచైతన్య లేటెస్ట్ మూవీ లవ్‌స్టోరి ఏప్రిల్ 16న విడుద‌ల కానుంది. చైత‌న్య‌, సాయిప‌ల్ల‌వి జంట‌గా న‌టించిన ఈ చిత్రాన్ని శేఖ‌ర్ క‌మ్ముల తెర‌కెక్కించాడు.