గ‌తేడాది వేస‌వికి రారండోయ్ వేడుక చూద్దాం అంటూ ఓ మంచి విజ‌యాన్ని అందుకున్నారు యువ‌క‌థానాయ‌కుడు నాగ‌చైత‌న్య‌. ఆ త‌రువాత చేసిన యుద్ధం శ‌ర‌ణం నిరాశ‌ప‌రిచింది. అయితే.. ఈ వేస‌వికి అతిథి పాత్ర‌లో మెరిసిన మ‌హాన‌టితో మ‌రో విజ‌యాన్ని అందుకున్నారు. ఈ బ‌యోపిక్‌లో తాత‌య్య అక్కినేని నాగేశ్వ‌ర‌రావు పాత్ర‌లో అభిమానుల‌ను అల‌రించారు.

స‌గ‌టు ప్రేక్ష‌కుల నుంచి కూడా ప్ర‌శంస‌ల‌ను పొందారు. ఇదిలా ఉంటే.. చైత‌న్య ప్ర‌స్తుతం రెండు సినిమాల‌తో బిజీగా ఉన్నారు. ఆ చిత్రాలే స‌వ్య‌సాచి, శైల‌జా రెడ్డి అల్లుడు (ప్ర‌చారంలో ఉన్న పేరు). చందు మొండేటి ద‌ర్శ‌క‌త్వంలో రూపొందుతున్న స‌వ్య‌సాచి జూన్ 15న విడుద‌ల కావాల్సి ఉండ‌గా.. కొన్ని కార‌ణాల వ‌ల్ల జూలైకి వాయిదా ప‌డింది.

ఇక శైల‌జా రెడ్డి విష‌యానికి వ‌స్తే.. ఇప్ప‌టికే సగం నిర్మాణం పూర్తిచేసుకున్న ఈ సినిమా ఈ ఏడాది చివ‌ర‌లో సంద‌డి చేయ‌నుంది. మొత్తానికి.. క‌థానాయ‌కుడిగా చైత‌న్య సంద‌డి అంతా ఈ ఏడాది ద్వితీయార్థంలోనే ఉండనుంద‌న్న‌మాట‌.