నాగ చైతన్య 'ధర్మాభాయ్'?
- IndiaGlitz, [Friday,December 29 2017]
పెళ్లి తర్వాత వరుస సినిమాలు చేస్తూ స్పీడ్ పెంచారు అక్కినేని నాగ చైతన్య. ప్రస్తుతం చందు మొండేటి దర్శకత్వంలో సవ్యసాచి' సినిమా చేస్తున్నారీ య‌ంగ్‌ హీరో. ఈ సినిమా తర్వాత మారుతి డైరెక్షన్లో శైలజారెడ్డి అల్లుడు' (ప్రచారంలో ఉన్నపేరు) మూవీ చేయబోతున్న విషయం తెలిసిందే. ఇదిలా ఉంటే...కామెడీ సినిమాల డైరెక్టర్ శ్రీనివాస్ రెడ్డితో చైతన్య ఒక సినిమా చేయబోతున్నారని టాక్ వినిపిస్తోంది. తన కామెడీ మార్కు సినిమాలకు భిన్నంగా సదరు డైరెక్టర్ నాగార్జునతో ఢమరుకం' సినిమా చేసారు. కాని ఆ సినిమా ఆశించిన మేర విజయం సాధించలేదు.
ఇప్పుడు చైతుతో తీయబోయే సినిమాని తనకు పేరు తెచ్చిన కామెడీ జోన‌ర్‌లో తీస్తారో లేదా యాక్షన్ కామెడీ ఫిలింని తెరకెక్కిస్తారో చూడాలి. ఈ చిత్రానికి నాయక్', కృష్ణ' సినిమాలకి కథని అందించిన ఆకుల శివ కథను అందించనున్నారని తెలిసింది. కాగా, ఈ సినిమాకి ధర్మాభాయ్' అనే టైటిల్ ని అనుకుంటున్నారని సమాచారం. త్వరలోనే దీనిపై అధికారికంగా మరింత సమాచారం వెలువడే అవకాశం ఉంది. ఇదే ధర్మాభాయ్' టైటిల్ వి.వి.వినాయక్, సాయిధరం తేజ్ కలయికలో వస్తున్న సినిమాకి కూడా పరిశీలిస్తున్నారని ఆ మ‌ధ్య వార్త‌లు వ‌చ్చాయి.