சமந்தா குணமாக நாகசைதன்யா வீட்டில் இருந்து வந்த வாழ்த்து!
- IndiaGlitz, [Sunday,October 30 2022]
பிரபல நடிகை சமந்தா மயோசிடிஸ் என்ற நோயால் பாதிக்கப்பட்டு இருப்பதாக நேற்று அறிவித்த நிலையில் அவர் விரைவில் குணமாக வேண்டும் என திரையுலகினர் ரசிகர்கள் வாழ்த்து தெரிவித்து வருகின்றனர்.
இந்த நிலையில் சமந்தாவின் முன்னாள் கணவரான நாகசைதன்யா சமந்தாவுக்கு ஆறுதலாக நாலு வார்த்தை கூற வேண்டும் என ரசிகர்கள் வேண்டுகோள் விடுத்தனர்.
இந்த வேண்டுகோளை அடுத்து சமூக வலைதளம் மூலம் நாகசைதன்யா சமந்தா விரைவில் குணமடைய வாழ்த்து கூறுவார் என்று எதிர்பார்க்கப்பட்டது. ஆனால் நாக சைதயாவிடம் இருந்து இன்னும் வாழ்த்து வராத நிலையில் தற்போது அவரது சகோதரர்அகில் அக்கினேனி தனது சமூக வலைத்தளத்தில் சமந்தாவுக்கு வாழ்த்து தெரிவித்துள்ளார்.
அகில் அக்கினேனி தனது சமூக வலைத்தளத்தில் ‘டியர் சாம் என குறிப்பிட்டு 'நீங்கள் குணமாக உங்களுக்கு எல்லா அன்பும் வலிமையும் கிடைக்கும்’ என்று பதிவு செய்துள்ளார்.
நாக சைதனயாவுக்கு பதிலாக அவரது சகோதரர் அகில் அக்கினேனி ஆறுதல் கூறிய நிலையில் பலரும் அவருக்கு பாராட்டு தெரிவித்துள்ளனர். ஏற்கனவே அகில் பிறந்தநாளின் போது சமந்தா அவருக்கு வாழ்த்து தெரிவித்திருந்தார் என்பது குறிப்பிடத்தக்கது.