கோலிவுட் திரையுலகில் திருமணத்திற்கு முன் ஜோடியாக நடித்த பல நட்சத்திர ஜோடிகள் திருமணத்திற்கு பின் நடிப்பது அரிதாகவே இருந்து வருகிறது. அஜித்-ஷாலினி, சூர்யா-ஜோதிகா, பிரசன்னா-சினேகா உள்பட பலர் திருமணத்திற்கு பின் ஜோடியாக நடிக்கவில்லை

இந்த நிலையில் சமீபத்தில் திருமணம் செய்த நட்சத்திர காதல் ஜோடி நாகசைதன்யா-சமந்தா. இவர்களது திருமணம் கடந்த அக்டோபர் மாதம் வெகுசிறப்பாக நடந்த நிலையில் திருமணத்திற்கு பின்னர் இருவரும் தனித்தனியாக நடித்து வருகின்றனர்.

இந்த நிலையில் ரியல் ஜோடியான நாகசைதன்யா-சமந்தா திருமணத்திற்கு பின் மீண்டும் ரீல்ஜோடியாக ஒரு படத்தில் நடிக்க ஒப்பந்தமாகியுள்ளனர். முழுக்க முழுக்க ரொமான்ஸ் அம்சங்கள் கொண்ட இந்த படத்தை பிரபல தெலுங்கு இயக்குனர் ஷிவ்நிர்வானா இயக்கவுள்ளார். இதுகுறித்த தகவலை நாகசைதன்யா தனது சமூக வலைத்தளத்தில் உறுதி செய்துள்ளார்,.