నాగ్ పోస్టల్ స్టాంప్ రిలీజ్ చేసిన చైతు & అఖిల్..!
- IndiaGlitz, [Monday,August 29 2016]
టాలీవుడ్ కింగ్ నాగార్జున పుట్టిన‌రోజు సంద‌ర్భంగా పోస్టల్ స్టాంప్ ను నాగార్జున వార‌సులు అఖిల్ & చైత‌న్య లాంచ్ చేసారు. అనంత‌రం చైత‌న్య ఆంధ్ర‌ప్ర‌దేశ్ నాగార్జున ఫ్యాన్స్ ప్రెసిడెంట్ స‌ర్వేశ్వ‌ర‌రావుకు స్టాంప్ ను అంద‌చేయ‌గా, అఖిల్ తెలంగాణ నాగార్జున ఫ్యాన్స్ ప్రెసిడెంట్ ర‌వీంద‌ర్ రెడ్డికి అంద‌చేసారు.
ఈ సంద‌ర్భంగా చైత‌న్య మాట్లాడుతూ....నాన్న పుట్టిన‌రోజు నాడు ఈ స్టాంప్ రిలీజ్ చేయడం సంతోషంగా ఉంది. శివ, గీతాంజ‌లి సినిమాల‌తో ఓ ట్రెండ్ క్రియేట్ చేసారు. ఆత‌ర్వాత నిన్నే పెళ్లాడ‌తా, మ‌నం, సోగ్గాడే చిన్ని నాయ‌నా, ఊపిరి, మీలో ఎవ‌రు కోటీశ్వ‌రుడు....ఇలా ఎప్ప‌టిక‌ప్పుడు నాన్న కొత్త ట్రెండ్ క్రియేట్ చేస్తునే ఉన్నారు. మా వ‌య‌సులో మేము ఎలాంటి పాత్ర‌లు చేయాలో....నాన్న చేసి చూపించారు. ఇప్ప‌టికీ కొత్త‌గా చేస్తూనే ఉన్నారు. నాకు నాన్నే ఇన్ స్పిరేష‌న్. తాత గారు జ‌ర్నీ స్టార్ట్ చేస్తే...నాన్న గారు కంటిన్యూ చేస్తున్నారు. మ‌మ్మ‌ల్ని ఎంత‌గానో ఆద‌రిస్తున్న అభిమానులంద‌రికీ థ్యాంక్స్ తెలియ‌చేస్తున్నాను అన్నారు.
అఖిల్ మాట్లాడుతూ...పుట్టిన‌రోజు నాడు నాన్న పేరుతో స్టాంప్ రిలీజ్ చేయడం అదృష్టంగా భావిస్తున్నాను. నాన్న‌తో మంచి పాట పాడించినందుకు రోష‌న్ కి థ్యాంక్స్ చెబుతున్నాను. మా అంద‌రికీ ఇన్ స్పిరేష‌న్ నాన్న. మేము చేయాల‌నుకున్న‌వి నాన్నే చేసేస్తున్నారు అంటూ సంతోషాన్ని పంచుకున్నారు.
సంగీత ద‌ర్శ‌కుడు రోష‌న్ మాట్లాడుతూ...నిర్మ‌లా కాన్వెంట్ లో నాగార్జున గారు పాడిన పాట‌కు విశేష స్పంద‌న ల‌భిస్తుండ‌డం ఆనందంగా ఉంది. నాగార్జున గారితో పాట పాడించే అవ‌కాశం రావ‌డం నా అదృష్టం అన్నారు.