మెగా బ్ర‌ద‌ర్ నాగ‌బాబు రాజకీయాల ప‌రంగా త‌న స‌పోర్ట్ త‌న త‌మ్ముడికే ఉంటుంద‌ని చెప్పేశాడు. 2019 ఎన్నిక‌ల స‌మయంలో ప‌వ‌న్ క‌ళ్యాణ్ జ‌న‌సేన పార్టీ పోటీ చేస్తుంద‌ని తెలిసిన సంగ‌తి తెలిసిందే. ఒక ఓట‌రుగా ప‌వ‌న్ క‌ళ్యాణ్ అధికారంలోకి వ‌స్తాడ‌ని తానునమ్ముతున్నాన‌ని చెప్పిన నాగ‌బాబు ఇప్పుడు ఆంధ్ర‌ప్ర‌దేశ్‌లో అధికారంలో ఉన్న తెలుగుదేశం పార్టీపై ప్ర‌జ‌ల‌కు న‌మ్మ‌కం పోయింద‌ని, నిజాయితీ గ‌ల ప‌వ‌న్ క‌ళ్యాణ్ ఒక‌రికి స‌హాయం చేశాడే త‌ప్ప‌, ఎవ‌రినీ న‌ష్ట‌ప‌ర‌చ‌లేద‌ని నాగబాబు అన్నారు.

అలాగే తన‌కు రాజ‌కీయాల్లోకి వ‌చ్చే ఆలోచ‌న లేద‌ని, నేను క‌ష్టాల్లో ఉన్న‌ప్పుడు అన్న‌య్య చిరంజీవి, త‌మ్ముడు ప‌వ‌న్ క‌ళ్యాణ్ అండ‌గా నిల‌బ‌డ్డారు కాబ‌ట్టి..త‌మ్ముడు ప‌వ‌న్ క‌ళ్యాణ్ అడ‌గ‌క‌పోయినా తానే అడిగి రాజ‌కీయాల ప‌రంగా స‌పోర్ట్ చేస్తాన‌ని, ఒక అన్న‌గా అది నా బాధ్య‌త‌గా భావిస్తున్నాన‌ని కూడా తెలిపారు.