ఇష్టం చిత్రంతో హీరోయిన్ గా ప‌రిచ‌య‌మై...సంతోషం సినిమాతో మంచి పేరు సంపాదించుకున్న క‌థానాయిక శ్రియ‌. ఆత‌ర్వాత అగ్ర హీరోలంద‌రి స‌ర‌స‌న న‌టించి మెప్పించిన శ్రియ అవ‌కాశాలు త‌గ్గ‌డంతో ఇటీవ‌ల కాస్త తెర‌మ‌రుగ‌య్యింద‌నే చెప్పాలి. స‌రిగ్గా అటువంటి స‌మ‌యంలోనే నాగ్ శ్రియ‌కి మ‌నం సినిమాలో అవ‌కాశం ఇచ్చారు. ఈ సినిమా సంచ‌ల‌న విజ‌యం సాధించ‌డంతో శ్రియ మ‌ళ్లీ తెలుగులో న‌టించ‌డం ప్రారంభించింది. మ‌నం త‌ర్వాత గోపాల గోపాల సినిమాలో వెంకీ స‌ర‌స‌న న‌టించింది.

తాజాగా నాగార్జున - కార్తీ - త‌మ‌న్నా కాంబినేష‌న్లో రూపొందుతున్న ఊపిరి సినిమాలో ఓ ముఖ్య‌పాత్రలో శ్రియ క‌నిపిస్తుంద‌ట‌. ఇటీవ‌ల నాగార్జున - శ్రియ ల‌పై కొన్ని సీన్స్ షూట్ చేసార‌ట‌. తెలుగు, త‌మిళ్ రూపొందుతున్న ఊపిరి చిత్రాన్ని పివిపి సంస్థ నిర్మిస్తుంది. వంశీ పైడిప‌ల్లి ఈ చిత్రాన్ని తెర‌కెక్కిస్తున్నారు. మార్చి 25న ప్ర‌పంచ వ్యాప్తంగా ఊపిరి చిత్రాన్ని రిలీజ్ చేయ‌నున్నారు. నాగ్ - శ్రియ క‌ల‌సి న‌టించిన సంతోషం, నేనున్నాను, మ‌నం చిత్రాలు ఘ‌న విజ‌యాలు సాధించాయి. సో...సెంటిమెంట్ ప్రకారం ఊపిరి కూడా ఘ‌న విజ‌యం సాధించ‌డం ఖాయం.