'ఎవ‌డే సుబ్ర‌మ‌ణ్యం'తో ద‌ర్శ‌కుడిగా ప‌రిచ‌య‌మైన నాగ్ అశ్విన్‌.. తొలి చిత్రంతోనే మంచి విజ‌యాన్ని అందుకున్నారు. ఇక ద్వితీయ ప్ర‌య‌త్నంగా న‌టీమ‌ణి సావిత్రి జీవితాన్ని 'మ‌హాన‌టి' పేరుతో తెర‌కెక్కించిన నాగ్‌కు.. ఈ బ‌యోపిక్‌తో ఘ‌న‌విజ‌యం ద‌క్కింది. అంతేగాకుండా.. త‌న ద‌ర్శ‌క‌త్వ ప్ర‌తిభ‌తో ప‌రిశ్ర‌మ దృష్టిని ఆక‌ట్టుకున్నారు.

మెగాస్టార్ చిరంజీవితో ఓ సినిమా చేయ‌డానికి గ్రీన్ సిగ్న‌ల్ పొందిన నాగ్‌.. అంత‌కంటే ముందే మ‌రో అగ్ర క‌థానాయ‌కుడిని డైరెక్ట్ చేసే అవ‌కాశ‌ముంద‌ని వినిపిస్తోంది. ఆ హీరో మ‌రెవ‌రో కాదు.. ప్ర‌భాస్‌. ఇటీవ‌ల ప్ర‌భాస్‌ను సంప్ర‌దించిన నాగ్‌.. ఓ స్టోరీ లైన్ చెప్పార‌ట‌.

అది న‌చ్చ‌డంతో ప్ర‌భాస్ కూడా ఈ ప్రాజెక్ట్ చేయ‌డానికి ఓకే చెప్పార‌ని తెలుస్తోంది. వైజ‌యంతీ మూవీస్ ప‌తాకంపై నాగ్ అశ్విన్ మామ‌య్య సి.అశ్వ‌నీద‌త్ ఈ చిత్రాన్ని నిర్మించ‌నున్నార‌ట‌. త్వ‌ర‌లోనే ఈ ప్రాజెక్ట్‌కు సంబంధించిన పూర్తి వివ‌రాలు వెలువడుతాయి.