అక్కినేని అఖిల్ తొలి చిత్రం ఆశించిన స్ధాయిలో విజ‌యం సాధించ‌క‌పోవ‌డంతో రెండ‌వ సినిమా విష‌యంలో చాలా జాగ్ర‌త్తలు తీసుకుంటున్నాడు. ఈసారి ఎలాగైనా స‌రే విజ‌యం సాధించాల‌ని రెండో సినిమా కోసం చాలా మంది డైరెక్ట‌ర్స్ అనుకున్న‌ప్ప‌టికీ ఎవ‌ర్ని ఫైన‌ల్ చేయ‌క‌పోవ‌డంతో ఇన్నాళ్లు అఖిల్ రెండో సినిమా ద‌ర్శ‌కుడు ఎవ‌ర‌నేది స‌మాధానం లేని ప్ర‌శ్న‌గా మిగిలిపోయింది.

ఇక అఖిల్ సెకండ్ మూవీ డైరెక్ట‌ర్ ఎవ‌ర‌నే వెయిటింగ్ కి ఫుల్ స్టాఫ్ పెడుతూ...నాగార్జున అఖిల్ రెండో సినిమా ద‌ర్శ‌కుడు ఎవ‌రనేది ఎనౌన్స్ చేసారు. స్టార్ డైరెక్ట‌ర్ విక్ర‌మ్ కుమార్ తో అఖిల్ సినిమా త్వ‌ర‌లో ప్రారంభం అవుతుంది. అలాగే మ‌రో స్టార్ డైరెక్ట‌ర్ క‌ళ్యాణ్ కృష్ణ‌తో చైత‌న్య సినిమా కూడా త్వ‌ర‌లో ప్రారంభం అంటూ ట్విట్ట‌ర్ ద్వారా నాగార్జున ఎనౌన్స్ చేసారు. అక్కినేని కుటుంబంకు, అలాగే తెలుగు సినీ ప‌రిశ్ర‌మ‌కు మ‌నం అనే అద్భుత‌మైన చిత్రాన్ని అందించిన విక్ర‌మ్ కుమార్ ద‌ర్శ‌కత్వంలో అఖిల్ సినిమా అంటే ఫ్యాన్స్ కి సూప‌ర్ న్యూస్..! మ‌రి...ఈ సినిమాతో అఖిల్ సెన్సేష‌న్ క్రియేట్ చేస్తాడ‌ని ఆశిస్తూ...ఆల్ ది బెస్ట్ టు అఖిల్..!