சமுத்திரக்கனி இயக்கத்தில் உருவாகும் சூப்பர் ஹிட் படத்தின் மூன்றாம் பாகம்
- IndiaGlitz, [Friday,June 08 2018]
கோலிவுட் திரையுலகில் தற்போது ஒரு படத்தின் இரண்டாம் பாகம் என்பது சர்வசாதாரண நிகழ்வாகிவிட்டது. எந்திரன் 2, விஸ்வரூபம் 2, மாரி 2, கோலி சோடா 2, இந்தியன் 2, சாமி 2, சண்டக்கோழி 2, கலகலப்பு 2, சதுரங்க வேட்டை 2, தமிழ்ப்படம் 2 என இந்த பட்டியல் நீண்டு கொண்டே போகிறது.
இந்த நிலையில் சமுத்திரக்கனி இயக்கிய ஒரு திரைப்படம் விரைவில் மூன்றாம் பாகம் உருவாகவுள்ளதாக அறிவிக்கப்பட்டுள்ளது. ஆம், சமுத்திரக்கனி இயக்கத்தில் சசிகுமார் நடித்த 'நாடோடிகள்' திரைப்படம் கடந்த 2009ஆம் ஆண்டு வெளிவந்து நல்ல வரவேற்பை பெற்றது. அதனையடுத்து தற்பொது இந்த படத்தின் இரண்டாம் பாகமான 'நாடோடிகள் 2' திரைப்படத்தின் படப்பிடிப்பு கடந்த சில மாதங்களாக நடைபெற்று வந்தது. இந்த நிலையில் இன்றுடன் இந்த படத்தின் படப்பிடிப்பு முடிவடைந்துள்ளது இந்த படத்தின் போஸ்ட் புரடொக்சன்ஸ் பணிகள் விரைவில் ஆரம்பிக்கவுள்ளது.
இந்த நிலையில் 'நாடோடிகள் 2' படத்தை அடுத்து விரைவில் 'நாடோடிகள் 3' படமும் தொடங்கப்படும் என இயக்குனர் சமுத்திரக்கனி தனது சமூக வலைத்தளத்தில் தெரிவித்துள்ளார். இந்த படம் உருவானால் ராகவா லாரன்ஸ் இயக்கி வரும் 'முனி 3' படத்துடன் மூன்றாம் பாக படப்பட்டியலில் இந்த படமும்இணையும். மேலும் ஹாலிவுட் போலவே கோலிவுட்டிலும் ஒரு படம் பல பாகங்களாக உருவாக்கும் முறையும் விரைவில் ஏற்படும் என்று எதிர்பார்க்கப்படுகிறது.