தளபதி விஜய் நடித்த 'சர்கார்' திரைப்படம் வரும் தீபாவளி அன்று வெளியாவது கிட்டத்தட்ட உறுதியாகியுள்ள நிலையில் இந்த படத்துடன் தனுஷின் 'எனை நோக்கி பாயும் தோட்டா', விஜய் ஆண்டனியின் 'திமிறு பிடிச்சவன்' மற்றும் ஆர்.கே.சுரேஷின் 'பில்லா பாண்டி' ஆகிய திரைப்படங்கள் வெளியாகும் என எதிர்பார்க்கப்படுகிறது.

இந்த நிலையில் தீபாவளி ரேஸில் சமுத்திரக்கனியின் 'நாடோடிகள் 2' திரைப்படமும் வெளியாக வாய்ப்பு இருப்பதாக கூறப்படுகிறது. இருப்பினும் இதுகுறித்த முறையான அறிவிப்பு வெளிவந்தால் மட்டுமே இந்த படத்தின் ரிலீஸ் தேதி உறுதி செய்யப்படும்

'நாடோடிகள்' படத்தின் தொடர்ச்சியாக இந்த படம் இல்லை என்றாலும் முதல் பாக படத்தின் பாதிப்பு இந்த படத்தில் அதிகம் இருக்கும் என எதிர்பார்க்கப்படுகிறது. சசிகுமார் ஜோடியாக அஞ்சலி நடித்துள்ள இந்த படத்தில் பிக்பாஸ் புகழ் பரணி, அதுல்யா ரவி, எம்.எஸ்.பாஸ்கர், உள்பட பலர் நடித்துள்ளனர். ஜஸ்டின் பிரபாகர் இசையில் ஏகாம்பரம் ஒளிப்பதிவில் உருவாகி வரும் இந்த படத்தை எஸ்.நந்தகோபால் தயாரித்து வருகிறார்.