சரத்குமார், ராதாரவி மீது நடிகர் சங்கம் புதிய குற்றச்சாட்டு
- IndiaGlitz, [Saturday,November 12 2016]
தென்னிந்திய நடிகர் சங்கத்தின் பொதுக்குழு கூட்டம் இன்று சென்னை லயோலா கல்லூரியில் நடைபெற்று வருகிறது. இந்த கூட்டத்தில் சில முக்கிய தீர்மானங்கள் நிறைவேற்றப்பட்டன. அவற்றில் ஒன்று முன்னாள் நடிகர் சங்கத்தலைவர் சரத்குமார் மற்றும் முன்னாள் செயலாளர் ராதாரவி ஆகியோர் மீது நில அபகரிப்பு குறித்து காவல்துறையிடம் புகார் செய்வது என்ற தீர்மானம் பெரும் பரபரப்பை ஏற்படுத்தியுள்ளது.
சென்னை புறநகர் பகுதியான கூடுவாஞ்சேரி அருகில் நடிகர் சங்கத்திற்கு சொந்தமான நிலத்தை முறைகேடாக சரத்குமார் மற்றும் ராதாரவி விற்பனை செய்ததாகவும் இதுகுறித்து நடவடிக்கை எடுக்க வேண்டும் என்று காவல்துறையிடம் புகார் அளிக்கவும் நடிகர் சங்கம் முடிவு செய்துள்ளது.
பொதுக்குழுவில் இயற்றப்படும் இன்னும் சில தீர்மானங்கள் குறித்து விரைவில் தகவல்கள் கிடைக்கும் என்று எதிர்பார்க்கப்படுகிறது.