பழம்பெரும் நடிகை சாவித்திரியின் வாழ்க்கை வரலாற்று திரைப்படமான 'நடிகையர் திலகம்' என்ற படத்தில் சாவித்திரி வேடத்தில் நடிகை கீர்த்தி சுரேஷ் நடித்து வந்தார் என்பது தெரிந்ததே. இந்த படம் வரும் 9ஆம் தேதி தெலுங்கிலும் 11ஆம் தேதி தமிழிலும் வெளிவரவுள்ளது.

இந்த நிலையில் இந்த படத்தின் தமிழ்ப்பதிப்பின் சென்சார் தகவல்கள் தற்போது வெளிவந்துள்ளது. இந்த படத்தை பார்த்த சென்சார் அதிகாரிகள் படத்திற்கு 'யூ' சான்றிதழ் அளித்துள்ளனர். 

சாவித்ரி வேடத்தில் கீர்த்தி சுரேஷ் , ஜெமினி கணேசன் வேடத்தில் துல்கர் சல்மான் மற்றும் மதுரவாணி என்ற பத்திரிகையாளர் வேடத்தில் சமந்தா நடித்துள்ள இந்த படத்தை நாக் அஸ்வின் என்பவர் இயக்கியுள்ளார். மேலும் இந்த படத்தில் ‘அர்ஜுன் ரெட்டி’ விஜய் தேவரகொண்டா, நாக சைதன்யா, ஷாலினி பாண்டே, பிரகாஷ் ராஜ், அனுஷ்கா ஷெட்டி, மோகன்பாபு, ராஜேந்திரபிரசாத், உள்பட பலர் இந்த படத்தில் நடித்துள்ளனர். மிக்கி ஜே.மேயர் இசையமைத்துள்ள இந்த படத்திற்கு மதன் கார்க்கி வசனம் எழுதியுள்ளார்.