நதியாவுக்கு இவ்வளவு அழகான மகள்களா? கிறிஸ்துமஸ் புகைப்படம் வைரல்!
- IndiaGlitz, [Friday,December 25 2020]
கடந்த 80கள் மற்றும் 90களில் ரஜினி உள்பட முன்னணி நடிகர்களுடன் நடித்த நடிகை நதியா என்பது அனைவரும் தெரிந்ததே. பாசில் இயக்கிய ‘பூவே பூச்சூடவா’ என்ற படத்தில் அறிமுகமாகி அதன் பின்னர் கிட்டத்தட்ட அனைத்து முன்னணி நடிகர்களுடன் நதியா நடித்தார் என்பதும் அப்போதே நாயகிக்கு முக்கியத்துவம் உள்ள கேரக்டரில் அவர் நடித்ததால் நதியாவுக்கு லட்சக்கணக்கான ரசிகர்கள் இருந்தார்கள் என்பதும் அப்போதைய இளைஞர்களின் கனவுக் கன்னியாக இருந்தார் என்பதும் குறிப்பிடத்தக்கது
இந்த நிலையில் சிரிஷ் என்பவரை கடந்த 1988ஆம் ஆண்டு நதியா திருமணம் செய்தார் என்பதும் திருமணத்திற்கு பின்னர் அவர் கணவருடன் அமெரிக்காவிலேயே செட்டிலாகி விட்டார் என்பதும் குறிப்பிடத்தக்கது. நதியா-சிரிஷ் தம்பதிக்கு சனம் மற்றும் ஜனா என்ற இரண்டு மகள் உள்ளனர்.
திருமணத்திற்கு திரையுலகில் இருந்து விலகியிருந்த நதியா, நீண்ட இடைவெளிக்கு பின்னர் ஜெயம் ரவியின் ‘எம்.குமரன் S/o மகாலட்சுமி’ என்ற படத்தின் மூலம் ரீ-என்ட்ரி கொடுத்தார் என்பதும் அந்த படத்தின் வெற்றி காரணமாக மேலும் சில படங்களில் தனது வயதுக்கு ஏற்ற கேரக்டரை ஏற்று நடித்து வந்தார் என்பதும் குறிப்பிடத்தக்கது
இந்த நிலையில் இன்று உலகம் முழுவதும் கிறிஸ்துமஸ் பண்டிகை கொண்டாடப்பட்டு வரும் நிலையில் அமெரிக்காவில் உள்ள நதியா தனது வீட்டில் குடும்பத்தினர்களுடன் கிறிஸ்துமஸ் பண்டிகையை கொண்டாடிய புகைப்படத்தை வெளியிட்டுள்ளார். அதில் கணவர் மற்றும் இரண்டு மகள்களுடன் அவர் உள்ள புகைப்படம் உள்ளது. இந்த புகைப்படத்தை பார்த்த ரசிகர்கள் ’நதியாவுக்கு இவ்வளவு அழகான மகள்களா? என்று கேள்வி எழுப்பி ஆச்சரியம் அடைந்து வருகின்றனர். இந்த புகைப்படம் தற்போது இணையதளங்களில் வைரலாகி வருகிறது என்பது குறிப்பிடத்தக்கது