விஜய்சேதுபதி, நயன்தாரா நடிப்பில் தனுஷ் தயாரித்துள்ள 'நானும் ரெளடிதான்' திரைப்படம் வரும் அக்டோபர் 21ஆம் தேதி ரிலீஸ் ஆகும் என அதிகாரபூர்வமாக அறிவிக்கப்பட்டுள்ள நிலையில் இந்த படத்தின் சென்சார் குறித்த தகவல்கள் தற்போது வெளிவந்துள்ளது.

'நானும் ரெளடிதான்' திரைப்படம் நேற்று சென்சார் அதிகாரிகளால் சென்சார் செய்யப்பட்டது. இந்த படத்திற்கு சென்சார் அதிகாரிகள் "UA" சர்டிபிகேட் அளித்துள்ளனர். இந்த படத்திற்கு "UA" சர்டிபிகேட் கிடைத்துள்ளதால், தமிழக அரசின் வரிவிலக்கு கிடைக்க வாய்ப்பு இல்லை என்பது குறிப்பிடத்தக்கது.

மேலும் நானும் ரெளடிதா' திரைப்படம் அக்டோபர் 21ஆம் தேதி 475 திரையரங்குகளில் பிரமாண்டமாக ரிலீஸ் ஆகவுள்ளது. மேலும் இந்த படம் நாயகி நயன்தாராவின் 50வது படம் என்பதும் குறிப்பிடத்தக்கது.

விஜய்சேதுபதி, நயன்தாரா, பார்த்திபன், ராதிகா சரத்குமார், ஆர்ஜே பாலாஜி, ஆனந்த்ராஜ், மொட்டை ராஜேந்திரன் மற்றும் விஜய்சேதுபதியின் மகன் சூர்யா உள்பட பலர் நடித்துள்ள இந்த படத்தை 'போடா போடி' பட இயக்குனர் விக்னேஷ் சிவன் இயக்கியுள்ளார். அனிருத் இந்த படத்தை இசையமைத்துள்ளார்.